Έναν κορτσόπον ξανθόν

Προβολή Τραγουδιού

Τα ποντιακά τραγούδια του Χρήστου Ραμπίδη

Έναν κορτσόπον ξανθόν,
σεβνταλίν και -ν- έμορφον
Για τ’ ατό πολλά πονώ,
το ψ̌όπο μ’ τυρι͜αννίζω

Έλα, έλα λέγω σε!
Κορτσόπο μ’, λελεύω σε!

Ατό εμέν τυρι͜αννίζ’,
καίει και τρώει τ’ εμόν την ψ̌ην
Όλο θέλ’ να λάσ̌κεται,
’κ’ εγροικά να κλώσ̌κεται

Έλα, έλα λέγω σε!
Κορτσόπο μ’, λελεύω σε!

Ατό εμέν εφέκεν,
σ’ άλλο εγκάλιαν έπεσεν
Ατέ και του σ̌κύλ’ τον γιον
θα ευτάγω έναν κακόν

Έλα, έλα λέγω σε!
Κορτσόπο μ’, λελεύω σε!

Γλωσσάρι

Κείμενο	Επεξήγηση	Ετυμ. Ρίζα
ατέ	αυτή
εγκάλιαν	(αιτ.) αγκαλιά
εγροικά	καταλαβαίνει
εμόν	δικός/ή/ό μου	ἐμοῦ
έμορφον	όμορφο
ευτάγω	κάνω, φτιάχνω	εὐθειάζω
εφέκεν	άφησε
’κ’	δεν	οὐκί<οὐχί
κλώσ̌κεται	γυρίζει, επιστρέφει
κορτσόπο	κοριτσάκι
κορτσόπον	κοριτσάκι
λάσ̌κεται	περιφέρεται, τριγυρνά, περιπλανιέται	ἀλάομαι/ηλάσκω
λελεύω	χαίρομαι
πολλά	(επίθ.) πολλά, (επίρρ.) πολύ
σεβνταλίν	ερωτοχτυπημένη/ο, ερωτευμένη/ο, ερωτικό	sevdalı
σ̌κύλ’	(γεν.) σκύλου
τυρι͜αννίζ’	τυραννάει, ταλαιπωρεί
τυρι͜αννίζω	τυραννάω, ταλαιπωρώ
ψ̌ην	ψυχή
ψ̌όπο	ψυχούλα