Προβολή Τραγουδιού
Άντεξον, καρδία μ’ |

Στιχουργοί: Τάκης Παπαδόπουλος
Συνθέτες: Παναγιώτης Ασλανίδης
Καλλιτέχνες: Παναγιώτης Ασλανίδης, Τάκης Παπαδόπουλος
Εμέντσε με τ’ εμόν τ’ αρνίν «θα παί͜εις σ’ εμόν το γάμον» Τ’ ομμάτι͜α ντο εγάπανα παντρεύ’ μετ’ είναν άλλον Εκούξε με να τραγωδώ κι ευτάγω την χαράν ατ’ς Άτσ̌απα πώς θα τραγωδώ; άλλος θα έν’ σο γιάν’ ατ’ς Εσέβεν έμπρα̤ να χορεύ’, σο γιάν’ ατ’ς είνας άλλος Γαμπρός ατός, νύφε ατέ κι εγώ ο τραγωδά̤νος Άντεξον, καρδά̤ μ’, άντεξον κι άλλο σ’ αβού τον πόνον Πόσοι και πόσοι έκλαψαν και θα είσαι εσύ μόνον; Εφτά χρόνα̤ έτον τ’ εμόν, ατώρα έντον ξέντσα Έπαρ’ και τ’ εμόν την ευχ̌ήν να είσαι ευτυχισμέντσα
Κείμενο | Επεξήγηση | Ετυμ. Ρίζα | Προέλευση |
---|---|---|---|
αβού | (ιδιωμ. Νικόπολης) αυτόν/ή/ό, έτσι | ||
ατέ | αυτή | ||
ατός | αυτός | ||
ατ’ς | αυτής, της | ||
άτσ̌απα | άραγε, αναρωτιέμαι | acaba/ʿacebā | |
ατώρα | τώρα | ||
γιάν’ | πλάι, πλευρά | yan | |
εγάπανα | αγαπούσα | ||
είναν | έναν, μία | ||
είνας | ένας/μία | ||
εμέντσε | μήνυσε, διαμήνυσε, παρήγγειλε | ||
εμόν | δικός/ή/ό μου | ἐμοῦ | |
έμπρα̤ | μπροστά | ||
έν’ | είναι | ||
έντον | έγινε | ||
έπαρ’ | (προστ.) πάρε | ||
εσέβεν | μπήκε | ||
έτον | ήταν | ||
ευτάγω | κάνω, φτιάχνω | εὐθειάζω | |
καρδά̤ | καρδιά | ||
μετ’ | μαζί με (με αιτιατική), με (τρόπος) | ||
νύφε | νύφη | ||
ξέντσα | ξένη | ||
ομμάτι͜α | μάτια | ||
παί͜εις | παίζεις | ||
τραγωδά̤νος | τραγουδιστής | ||
τραγωδώ | τραγουδάω | ||
χορεύ’ | χορεύω/ει | ||
χρόνα̤ | χρόνια |