Χάνω την αγάπη μ’

Προβολή Τραγουδιού

Καλλιτέχνες: Γιώτα Παπαδοπούλου, Παναγιώτης Ασλανίδης, Τάκης Παπαδόπουλος

Θάλασσαν τα δά̤κρα̤ μ’,
τα όνειρα μ’ βουλιάζ’νε
Αχ! άλλο τα χ̌ερόπα μου
εσέν ’κι θ’ εγκαλά̤ζ’νε

Αφού θέλτς να χωρίουμες
ας ’ίνεται τ’ εσόν -ι
Να το δαχτυλίδι σ’
και νώμα τ’ εμόν -ι

Τη χαρά μ’ επέρες
να και την καρδία μ’
αχ! σύρον ατο σ’ άψιμον
κάψον α’ σην φωτίαν

Αφού θέλτς να χωρίουμες
ας ’ίνεται τ’ εσόν -ι
Να το δαχτυλίδι σ’
και νώμα τ’ εμόν -ι

Χάνω το πουλόπο μ’,
χάνω την αγάπη μ’
Αχ! κρυφά θα κυλίεται
σ’ ομματόπα μ’ το δά̤κρυ μ’

Αφού θέλτς να χωρίουμες
ας ’ίνεται τ’ εσόν -ι
Να το δαχτυλίδι σ’
και νώμα τ’ εμόν -ι

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
άψιμον	φωτιά
δά̤κρα̤	δάκρυα
εγκαλά̤ζ’νε	αγκαλιάζουν, εναγκαλίζονται
εμόν	δικός/ή/ό μου	ἐμοῦ
επέρες	πήρες
εσόν	δικός/ή/ό σου
θέλτς	θέλεις
’ίνεται	γίνεται
κάψον	(προστ.) κάψε
’κι	δεν	οὐκί<οὐχί
κυλίεται	κυλιέται
νώμα	(προστ.) δώσε μου
ομματόπα	ματάκια
πουλόπο	πουλάκι
σύρον	(προστ.) σύρε, τράβα, ρίξε
χ̌ερόπα	χεράκια
χωρίουμες	χωριζόμαστε, χωρίζουμε