Προβολή Τραγουδιού
Ποίσον ντο σύρ’ η καρδία σ’ |
Ποίσον ντο σύρ’ η καρδία σ’Στιχουργοί: Νίκος Π. Γεωργιάδης
Συνθέτες: Ευρισθένης Ασληχανίδης
Καλλιτέχνες: Ευρισθένης Ασληχανίδης, Λάζαρος Κεφαλίδης
Περιστέρα μ’, δος το χ̌έρι σ’, τ’ έναν τ’ άλλο ας κρατούμ’ Συ το φως, εγώ τ’ ομμάτι͜α, εντάμαν ας πορπατούμ’ Αγαπώ σε κι αγαπάς με! Όθεν πας και ήντ’ ευτάς ποίσον ντο σύρ’ η καρδία σ’ και κανέναν μ’ ορωτάς Η ζωή πολλά γλυκύν έν’, τέρεν πώς θα παίρτς ατο Ζεις ολίγον, ’κι κανείται· και πολλά, πεζεύ’ς ατο Αγαπώ σε κι αγαπάς με! Όθεν πας και ήντ’ ευτάς ποίσον ντο σύρ’ η καρδία σ’ και κανέναν μ’ ορωτάς Έφυαν εκείν’ τα χρόνι͜α ντ’ έμ’νες ούλ’ αγαπημέν’ Έφυαν κι οπίσ’ ’κι κλώσκουν και τιδέν ’κι θ’ απομέν’ Αγαπώ σε κι αγαπάς με! Όθεν πας και ήντ’ ευτάς ποίσον ντο σύρ’ η καρδία σ’ και κανέναν μ’ ορωτάς Αγαπώ σε κι αγαπάς με! Όθεν πας και ήντ’ ευτάς...
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αγαπημέν’ | αγαπημένοι | ||
| απομέν’ | απομένει | ||
| γλυκύν | γλυκιά/ό | ||
| δος | δώσε | ||
| εκείν’ | εκείνοι/α | ||
| έμ’νες | ήμασταν | ||
| έν’ | είναι | ||
| εντάμαν | μαζί | ||
| ευτάς | κάνεις, φτιάχνεις | εὐθειάζω | |
| έφυαν | έφυγαν | ||
| ήντ’ | οτιδήποτε, ό,τι | ||
| κανείται | φτάνει, είναι αρκετό | ||
| ’κι | δεν | οὐκί<οὐχί | |
| κλώσκουν | γυρίζουν, επιστρέφουν | ||
| όθεν | όπου, οπουδήποτε, σε όποιον | ||
| ολίγον | λίγο | ||
| ομμάτι͜α | μάτια | ||
| οπίσ’ | πίσω | ||
| ορωτάς | ρωτάς | ||
| ούλ’ | όλοι | ||
| παίρτς | παίρνεις | ||
| πεζεύ’ς | βαριέσαι, κουράζεσαι | bezmek | |
| ποίσον | (προστ.) κάνε, φτιάξε | ποιέω, ποιῶ | |
| πολλά | (επίθ.) πολλά, (επίρρ.) πολύ | ||
| πορπατούμ’ | περπατούμε | ||
| σύρ’ | σύρω/ει, τραβάω/ει, ρίχνω/ει | ||
| τέρεν | (προστ.) κοίταξε | ||
| τιδέν | τίποτα |
