Σο χορόν εμπαίν’ κορτσόπον

Προβολή Τραγουδιού

Καλλιτέχνες: Γιώργος Τσιφτελίδης, Μπάμπης Κεμανετζίδης

Σο χορόν εμπαίν’ κορτσόπον
έμορφον, μελαχρινόν
Τα μαλλία απάν’ σ’ ωμία
και το φιστάν’ ατ’ς κοντόν

Τ’ οφρυδόπα τ’ς πογιαμάδες,
κόκκινα τα χ̌ειλόπα τ’ς
Δαχτυλίδι͜α και βραχ̌ι͜όλι͜α
γομάτον τα χ̌ερόπα τ’ς

Τα παλληκάρι͜α σο γιάν’ ατ’ς
χορεύ’νε και τραγωδούν
Το μελαχρινόν κορτσόπον
να κομπών’νε ’κ’ επορούν

Γεια σου, Γιωρίκα Αλεξανδρίδη, με τ’ έμορφα τα τραγωδίας ι-σ’!

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
ατ’ς	αυτής, της
γιάν’	πλάι, πλευρά	yan
γομάτον	γεμάτο/η
έμορφα	όμορφα
έμορφον	όμορφο
εμπαίν’	μπαίνει
επορούν	μπορούν
’κ’	δεν	οὐκί<οὐχί
κομπών’νε	εξαπατούν, ξεγελούν, μτφ. σαγηνεύουν	κομβόω
κορτσόπον	κοριτσάκι
οφρυδόπα	φρυδάκια
πογιαμάδες	βαφές μτφ. βαμμένα	boyama
τραγωδίας	τραγούδια
τραγωδούν	τραγουδάνε
φιστάν’	φουστάνι	fistan<fustān
χ̌ειλόπα	χειλάκια
χ̌ερόπα	χεράκια
χορεύ’νε	χορεύουν
ωμία	ώμοι