Σεβτάν έχω και ’κ’ επορώ

Προβολή Τραγουδιού

Καλλιτέχνες: Γιώργος Τσιφτελίδης, Μπάμπης Κεμανετζίδης

Νύχταν ημέρα για τ’ εσέν
την καρδι͜ά μ’ τυρα̤ννίζω
Κλώστ’ κι έλα σ’ εγκαλιόπο μου,
άλλο ’κι ταγιανίζω

Σεβτάν έχω και ’κ’ επορώ
να στέκω χαρεμένα
Τ’ εσόν η καρδι͜ά και τ’ εμόν
έλα ας ’ίν’νταν ένα

Ση δέβας κλαίγ’νε τ’ ομμάτι͜α μ’,
σην ὲλα σ’ η καρδία μ’
Τσ̌ούξον με έναν ξα, σ̌κύλ’ κουτάβ’,
να έ͜εις την αμαρτία μ’

Γλωσσάρι

Κείμενο	Επεξήγηση	Ετυμ. Ρίζα
έ͜εις	έχεις
εγκαλιόπο	αγκαλίτσα
ὲλα	ερχομός, άφιξη
εμόν	δικός/ή/ό μου	ἐμοῦ
έναν ξα	λίγο, μια σταλιά
επορώ	μπορώ
εσόν	δικός/ή/ό σου
’ίν’νταν	γίνονται
’κ’	δεν	οὐκί<οὐχί
’κι	δεν	οὐκί<οὐχί
κλαίγ’νε	κλαίνε
κλώστ’	(προστ.) γύρνα/γύρισε, επέστρεψε
ομμάτι͜α	μάτια
σεβτάν	αγάπη, έρωτα	sevda/sevdā
σ̌κύλ’	(γεν.) σκύλου
ταγιανίζω	αντέχω, βαστάω, υπομένω	dayanmak
τσ̌ούξον	(προστ.) λυπήσου, συμπόνεσε	acımak
τυρα̤ννίζω	τυραννάω, ταλαιπωρώ
χαρεμένα	χαρούμενα