Προβολή Τραγουδιού

Άψιμον τ’ ομματόπα σ’

Είδα σε -ν- εγώ μίαν,
επέρες την καρδία μ’
Άμον την εμορφία σ’
’κ’ είδα εγώ καμίαν

Ανάσμαν τα χ̌ειλόπα σ’,
άψιμον τ’ ομματόπα σ’
Δος μ’ ολίγον ας πίνω
τ’ άψιμον να νεβζήνω

Παρχαρί’ μανουσ̌άκι μ’,
άνοιξη μ’ και τσ̌ιτσ̌άκι μ’
Μετ’ εσέναν μεθύνω
και ρακί ας μη πίνω

Όσον πόσον θ’ αντέχω
τη σεβτάς να μη έχω;
Άλλο μη τυρα̤ννί͜εις με,
τη χαρά εσύ θα δί’ς με

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς
ανάσμαν	ανάσα, αναπνοή
άψιμον	φωτιά
δί’ς	δίνεις
δος	δώσε
εμορφία	ομορφιά
επέρες	πήρες
’κ’	δεν	ουκί<οὐχί
καμίαν	ποτέ
μανουσ̌άκι	μενεξές/βιολέτα	մանուշակ (manušak)<manafšak
μεθύνω	μεθάω
μετ’	μαζί με (με αιτιατική), με (τρόπος)
μίαν	μια φορά
νεβζήνω	σβήνω
ομματόπα	ματάκια
όσον πόσον	πόσο πια; μέχρι πότε;
παρχαρί’	παρχαριού
ρακί	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σεβτάς	αγάπης, έρωτα	sevda/sevdā
τυρα̤ννί͜εις	τυραννάς, ταλαιπωρείς
χ̌ειλόπα	χειλάκια