Τα παπόρια εχπάσταν

Προβολή Τραγουδιού

Τα παπόρι͜α εχπάσταν,
ξεριζούται ο Πόντον
με δά̤κρυ͜α σ’ ομμάτι͜α,
σα καρδίας πόνον

Θεέ μ’, η ελπίδα
δείξον ατ’ς τη στράταν
Σα δρόμι͜α μη χάν’νταν,
θ’ έρχουν σην Ελλάδαν

Μωρίων λαλίας,
κλαίνε οι μανάδες
Δακρυσμέν’ σερεύ’νε
τ’ άγια οι ποπάδες

Μάνα, κύρτς κι αδέλφι͜α,
γαρή και παιδία,
ο εις τον άλλον χάν’νε,
πονεμένα ψ̌ήα

Λείψανα σον Πόντον,
γονα̤κά θαμμένα
Τα γιαζία ακόμα
είναι ματωμένα

Πόσα παλληκάρι͜α
μανάδες εχάσαν;
Ακρίτας και Ευκλείδης
ακόμαν ’κ’ εθάφταν

Ακρίτας και Ευκλείδης
ακόμαν ’κ’ εθάφταν!

Γλωσσάρι

Κείμενο	Επεξήγηση	Ετυμ. Ρίζα
ατ’ς	αυτής, της
γαρή	σύζυγος, γυναίκα	karı
γιαζία	πεδιάδες, εξοχή, ύπαιθρος	yazı
γονα̤κά	γονείς
δείξον	(προστ.) δείξε
δρόμι͜α	δρόμοι, δρόμους
έρχουν	έρχονται
εχάσαν	χάνονταν
εχπάσταν	αναχώρησαν, κίνησαν για
’κ’	δεν	οὐκί<οὐχί
καρδίας	(τη, γεν.) καρδιάς, (τα, ονομ. πληθ.) καρδιές
κύρτς	κύρης, πατέρας
λαλίας	λαλιές, φωνές, (γεν. ενικού) φωνής
μωρίων	μωρών
ξεριζούται	ξεριζώνεται
ομμάτι͜α	μάτια
παιδία	παιδιά
παπόρι͜α	βαπόρια, καράβια	vapore
ποπάδες	παπάδες
σερεύ’νε	μαζεύουν, συγκεντρώνουν	σωρεύω
χάν’νε	χάνουν, παύουν να έχουν, διώχνουν
χάν’νταν	χάνονται, διώχνονται
ψ̌ήα	ψυχές, η περιοχή του στέρνου, τα εσώψυχα