Προβολή Τραγουδιού

Πατέρας

Καλλιτέχνες: Μπάμπης Ιορδανίδης, Μπάμπης Κεμανετζίδης

Άσ̌κεμον έτον το χαπάρ’,
εγώ σ’ εσάς θα λέω
Τον κύρη μ’ εγώ έχασα,
έναν ζωήν θα κλαίω

Τα δά̤κρυ͜α ντο θα ’κχ̌ύνω ’γώ
να ’ίντανε ποτάμι
Να παίρ’νε με και πάνε με
σου κύρη μου το γιάνι

Ποτάμ’, ποίσον αλήγορα
τον κύρη μ’ ν’ ανταμώνω
Η καρδι͜ά μ’ και τα χ̌ειλόπα μ’,
«πατέρα» λένε μόνο

Ωφ! πατέρα, η καρδι͜ά μ’ και τα χ̌ειλόπα μ’ «πατέρα» λένε μόνο!

Γλωσσάρι

Κείμενο	Επεξήγηση	Ετυμ. Ρίζα
αλήγορα	γρήγορα
άσ̌κεμον	άσχημο, κακότροπο
γιάνι	πλάι, πλευρό	yan
έτον	ήταν
’κχ̌ύνω	χύνω, περιχύνω
παίρ’νε	παίρνουν
ποίσον	κάνε, φτιάξε (προστ.)	ποιέω, ποιῶ
χ̌ειλόπα	χειλάκια
χαπάρ’	χαμπάρι, είδηση, μαντάτο	haber/ḫaber