ΑΕΚ

ΑΕΚ, ΑΕΚ, ΑΕΚάρα
έν’ τρανόν ομάδαν
και χορεύ’νε ατείν’ σο γήπεδον
Και -ν- εμείς τερούμε
και χειροκροτούμε
Ντό τρανόν ομάδαν έν’ ατό! 

Έχ̌’ δύο κιφάλι͜α
έντεκα παλληκάρι͜α,
κίτρινον το χρώμα ντο φορούν
Έχ̌’ φίλαθλον κόσμον
τρέχ’νε εκεί μέρ’ πάνε
ατείντς αν ’κ’ ελέπ’νε ’κ’ επορούν

Ο Στεργιούδας σα δοκάρι͜α
ντο κάλα -ν- ερι͜άζ’
και την μπάλα απέσ’ σο τέρμαν
ατός ’κι δεβάζ’
Θεοδωρίδης και Ιντζόγλου
τα ακραία μπακ
και σο κέντρον ο Ραβούσης
καν’νάν ’κι περάζ’

Νικολούδης κι ο Βιέρα
είν’ τα μπαλαντέρ’
και τη μπάλα ας σα ποδάρι͜α
τουν κανείς ’κι παίρ’⇋

Στρατηγός έν’ ο Μίμης
το χρυσόν κιφάλ’
και-ν- εντάμαν με το Μαύρον
θάματα ευτάν’
Ο Αρδίζογλου «Ακι-Μπούα»
τα γκόλια καρφών’
κι ο Τσαϊκόφσκι με τον κόσμον
ατείντς καμαρών’