Έμορφος είσαι, έμορφος

Κοιμούμαι με το νούνιγμα σ’
[τρυγόνι μ’, τρυγονίτσα μ’]
με τ’ όρωμα σ’ γνεφίζω
[γιαρ, γιαρ, γιαρ, αμάν]
Τερώ, πουθέν ’κ’ ελέπω σε,
[τρυγόνι μ’, τρυγονίτσα μ’]
καίγουμαι και βρουλίζω
[γιαρ, γιαρ, γιαρ, αμάν]

Έλα, πουλί μ’, δος με χαράν
[τρυγόνι μ’, τρυγονίτσα μ’]
ας χ̌αίρεται η καρδία μ’
[γιαρ, γιαρ, γιαρ, αμάν]
Εσύ είσαι το γιατρικό μ’
[τρυγόνι μ’, τρυγονίτσα μ’]
για την τυραννισία μ’
[γιαρ, γιαρ, γιαρ, αμάν]

Έμορφος είσαι έμορφος,
[τρυγόνι μ’, τρυγονίτσα μ’]
τιδέν ’κ’ έχω να λέω
[γιαρ, γιαρ, γιαρ, αμάν]
Εγώ πα παλληκάρ’ είμαι,
[τρυγόνι μ’, τρυγονίτσα μ’]
το καρδόπο σ’ θα καίω
[γιαρ, γιαρ, γιαρ, αμάν]