Δύο πουλόπα κελαηδούν

Προβολή Τραγουδιού

Καλλιτέχνες: Μελίνα Χατζηκαμάνου, Σταύρος Τουλκερίδης, Φίλιππος Κεσαπίδης, Χρήστος Καλιοντζίδης

[Και] Δύο πουλόπα κελαηδούν,
αρνί μ’, σο παραθύρι σ’
Ατά έρθανε απ’ εμέν,
πουλί μ’, για το χατίρι σ’

Πετώ, πετώ και ’κ’ επορώ
πουθέν για να κονεύω
Νύχταν ημέραν, πουλόπο μ’,
εσέναν αραεύω

Έρθανε για να φέρ’νε σε
τ’ εμά τα χ̌αιρετίας
’Κι πρέπ’ να τυρα̤ννίεσαι,
να χ̌αίρεται η καρδία σ’

Πετώ, πετώ και ’κ’ επορώ
πουθέν για να κονεύω
Νύχταν ημέραν, πουλόπο μ’,
εσέναν αραεύω

Να έμ’ πουλίν κι επέτανα
κι έρχουμ’ σο παραθύρι σ’
Εδίν’νες με και -ν- έπινα
νερόν ας σο ποτήρι σ’

Πετώ, πετώ και ’κ’ επορώ
πουθέν για να κονεύω
Νύχταν ημέραν, πουλόπο μ’,
εσέναν αραεύω

Γλωσσάρι

Κείμενο	Επεξήγηση	Ετυμ. Ρίζα
αραεύω	ψάχνω, αναζητώ, γυρεύω	aramak
ας σο	απ’ το	ασό σο (από το)
ατά	αυτά
εδίν’νες	έδινες
έμ’	ήμουν
εμά	δικά μου
επέτανα	πετούσα
επορώ	μπορώ
έρθανε	ήρθαν
έρχουμ’	ερχόμουν
’κ’	δεν	οὐκί<οὐχί
’κι	δεν	οὐκί<οὐχί
κονεύω	εγκαθίσταμαι, φωλιάζω, προσγειώνομαι (επί πτηνών)	konmak
πουθέν	πουθενά
πουλόπα	πουλάκια
πουλόπο	πουλάκι
πρέπ’	ταιριάζει/ω
τυρα̤ννίεσαι	τυραννιέσαι, ταλαιπωριέσαι
φέρ’νε	φέρνουν
χ̌αιρετίας	χαιρετίσματα
χατίρι	χάρη, σεβασμός, υπόληψη	hatır/ḫāṭir