Προβολή Τραγουδιού
Άλλο ’κ’ είδα το πουλόπο μ’ |
Οι ΤραντέλλενοιΣτιχουργοί: Δημήτρης Ι. Ευσταθιάδης
Συνθέτες: Παναγιώτης Ασλανίδης
Καλλιτέχνες: Γιώτης Γαβριηλίδης, Παναγιώτης Ασλανίδης
Άλλο ’κ’ είδα το πουλόπο μ’ και το ψ̌όπο μ’ φτιλακίζ’ Σα διστράτι͜α αναμέν’ α’ από κάπου να περνίζ’¹ Όρκον είχαμε και τάμαν πάντα να είμες μαζί Και ο εις χωρίς τον άλλον έναν ώραν να μη ζει Και σο γνώριμον τον τόπον κάθαν βράδον μαναχόν Κάθουμαι, τ’ αρνί μ’ νουνίζω, για τ’ εμέν ξάι μη μερών’ Όρκον είχαμε και τάμαν πάντα να είμες μαζί Και ο εις χωρίς τον άλλον έναν ώραν να μη ζει Σ’ ομματόπα μ’ ’δέν ’κι φαίν’νταν και τα χ̌είλι͜α μ’ λέγ’νε «όι!» Εχαλάεν και εστάθεν τη καρδίας το ρολόι Όρκον είχαμε και τάμαν πάντα να είμες μαζί Και ο εις χωρίς τον άλλον έναν ώραν να μη ζει
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| α’ | (ατό) αυτό, το | ||
| αναμέν’ | περιμένει | ||
| βράδον | βράδυ | ||
| ’δέν | τίποτα | ||
| διστράτι͜α | διχαλωτοί δρόμοι | ||
| είμες | είμαστε | ||
| εστάθεν | στάθηκε, σταμάτησε | ||
| εχαλάεν | χάλασε | ||
| ’κ’ | δεν | οὐκί<οὐχί | |
| κάθαν | κάθε | ||
| καρδίας | (τη, γεν.) καρδιάς, (τα, ονομ. πληθ.) καρδιές | ||
| ’κι | δεν | οὐκί<οὐχί | |
| λέγ’νε | λένε | ||
| μαναχόν | (έναρθρο) μοναχός, μοναχό, (επίρρ) μόνο/μοναχά | ||
| μερών’ | μερώνει, ξημερώνει | ||
| νουνίζω | σκέφτομαι | ||
| ξάι | καθόλου | ||
| ομματόπα | ματάκια | ||
| περνίζ’ | διασχίζω, περνώ απέναντι | ||
| πουλόπο | πουλάκι | ||
| φαίν’νταν | φαίνονται | ||
| φτιλακίζ’ | σπαρταρά, πάλλεται γρήγορα | ||
| ψ̌όπο | ψυχούλα |
¹ Ορθότερη χρήση του «περάν’» ή «δι͜αβαίν’» καθότι το περνίζω έχει την έννοια του διασχίζω, περνάω (κπ) απέναντι και όχι περνάω.
