Προβολή Τραγουδιού
Η εγάπ’ άμον την κάμαν |
Στιχουργοί: Δημήτρης Ι. Ευσταθιάδης
Συνθέτες: Παναγιώτης Ασλανίδης
Καλλιτέχνες: Παναγιώτης Ασλανίδης, Στάθης Νικολαΐδης
Η εγάπ’ άμον την κάμαν ας σα δύο πα ματών’ Τ’ έναν η γερά λαρούται, τ’ άλλο όνειρα¹ σκοτών’ Έλα, ρίζα μ’, έλα, γιάβρι μ’, τσ̌ικαρόπο μ’, μετ’ εμέν και η ψ̌η μ’ και η καρδία μ’ πάντα είναι μετ’ εσέν Ήντα̤ν λες με θα ευτάγω, πέ’ κι ας ρούζω σον κρεμόν Και τον κόσμον θα χαρί͜εις με αν θα λες είμαι τ’ εσόν Έλα, ρίζα μ’, έλα, γιάβρι μ’, τσ̌ικαρόπο μ’, μετ’ εμέν και η ψ̌η μ’ και η καρδία μ’ πάντα είναι μετ’ εσέν Το κορτσόπο σ’, νε θειίτσα, άλλο έξ’ μ’ εβγάλτς ατο Το αχούλ’ ας σο κιφάλι μ’ φοούμαι θα χάν’ ατο Έλα, ρίζα μ’, έλα, γιάβρι μ’, τσ̌ικαρόπο μ’, μετ’ εμέν και η ψ̌η μ’ και η καρδία μ’ πάντα είναι μετ’ εσέν
Κείμενο | Επεξήγηση | Ετυμ. Ρίζα | Προέλευση |
---|---|---|---|
άμον | σαν, όπως, καθώς | ||
αχούλ’ | μυαλό | akıl/ʿaḳl | |
γερά | γερνάει | ||
γιάβρι | μωρό, μικρό, παιδί | yavru | |
εβγάλτς | βγάζεις | ||
εγάπ’ | αγάπη | ||
έξ’ | έξω ή ο αριθμός έξι | ||
εσόν | δικός/ή/ό σου | ||
ευτάγω | κάνω, φτιάχνω | εὐθειάζω | |
ήντα̤ν | οτιδήποτε | ||
κάμαν | δίκοπο μαχαίρι | kama | |
κιφάλι | κεφάλι | ||
κορτσόπο | κοριτσάκι | ||
κρεμόν | γκρεμό | ||
λαρούται | γιατρεύεται, θεραπεύεται | ||
ματών’ | ματώνει | ||
μετ’ | μαζί με (με αιτιατική), με (τρόπος) | ||
πα | πάλι, επίσης, ακόμα | ||
πέ’ | πες (προστ.) | ||
ρούζω | πέφτω, ρίπτω | ||
τσ̌ικαρόπο | (υποκορ.) σπλάχνο | ciğer/ciger | |
φοούμαι | φοβάμαι | ||
χάν’ | χάνει, παύει να έχει, διώχνει | ||
χαρί͜εις | χαρίζεις | ||
ψ̌η | ψυχή |
¹ Ορθότερη χρήση το «ονέρ’τα»