Προβολή Τραγουδιού
Η Μαργαρίτα |
Οι ΤραντέλλενοιΣτιχουργοί: Δημήτρης Ι. Ευσταθιάδης
Συνθέτες: Παναγιώτης Ασλανίδης
Καλλιτέχνες: Παναγιώτης Ασλανίδης, Στέργιος Ζημπιλιάδης
Η Μαργαρίτα και τ’ εμόν άτσ̌απα που επήεν; Δύο ημέρας ’κ’ είδ’ ατεν το καρδόπο μ’ ελύεν Αγαπά με, ’κι αγαπά με, άλλο ’κ’ έν’, θα πάω χάμαι Άλλο ’κ’ έν’, θα πάω χάμαι, αγαπά με, ’κι αγαπά με Τη μαργαρίταν ερωτώ τσ̌ιτσ̌έκ’ - τσ̌ιτσ̌έκ’ αχπάνω η κάλη μ’ αν θα κλώσ̌κεται γιοξάμ’ ατέν θα χάνω; Αγαπά με, ’κι αγαπά με, άλλο ’κ’ έν’, θα πάω χάμαι Άλλο ’κ’ έν’, θα πάω χάμαι, αγαπά με, ’κι αγαπά με Ση Μαργαρίτας τον καημόν νερόν άλλο ’κι πίνω Εποίκε με ρακόποτον κάθαν βράδον μεθύνω Αγαπά με, ’κι αγαπά με, άλλο ’κ’ έν’, θα πάω χάμαι Άλλο ’κ’ έν’, θα πάω χάμαι, αγαπά με, ’κι αγαπά με Την μαργαρίταν ερωτώ φύλλον - φύλλον εβγάλλω Έρ’ται, ’κ’ έρ’ται τ’ εμόν τ’ αρνίν; Σο νου μ’ άλλεν ’κι βάλλω Αγαπά με, ’κι αγαπά με, άλλο ’κ’ έν’, θα πάω χάμαι Άλλο ’κ’ έν’, θα πάω χάμαι, αγαπά με, ’κι αγαπά με
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άλλεν | άλλη | ||
| ατέν | αυτήν | ||
| ατεν | αυτήν | ||
| άτσ̌απα | άραγε, αναρωτιέμαι | acaba/ʿacebā | |
| αχπάνω | ξεριζώνω, ξεκολλώ, αποκολλώ βιαίως | ἐκσπάω | |
| βάλλω | βάζω | ||
| βράδον | βράδυ | ||
| εβγάλλω | βγάζω | ||
| ελύεν | λύθηκε, έλιωσε | ||
| εμόν | δικός/ή/ό μου | ἐμοῦ | |
| έν’ | είναι | ||
| επήεν | πήγε | ||
| εποίκε | έκανε, έφτιαξε | ποιέω-ῶ | |
| έρ’ται | έρχεται | ||
| ερωτώ | ρωτάω | ||
| ’κ’ | δεν | οὐκί<οὐχί | |
| κάθαν | κάθε | ||
| κάλη | η αγαπητή σύζυγος, η σύζυγος | ||
| καρδόπο | καρδούλα | ||
| ’κι | δεν | οὐκί<οὐχί | |
| κλώσ̌κεται | γυρίζει, επιστρέφει | ||
| μεθύνω | μεθάω | ||
| ρακόποτον | αυτός που πίνει πολύ ρακί | ||
| τσ̌ιτσ̌έκ’ | λουλούδι | çiçek | |
| χάμαι | χάνομαι, μτφ. πεθαίνω |
