Προβολή Τραγουδιού
Τa εμπονέστι͜α εσούμωσαν |
Θα αξιών’ με ο ΘεόνΣτιχουργοί: Νάκος Ευσταθιάδης
Συνθέτες: Γιάννης Τσανάκαλης
Καλλιτέχνες: Θέμης Ιακωβίδης, Φάνης Κουρουκλίδης
Τα εμπονέστι͜α εσούμωσαν, τ’ αρνί μ’ τιδέν ’κι δί’ με «Κοινώντσον», λέει με, «κι επεκεί γλυκέα έλα, φίλ’ με» Τ’ αρνί μ’ εχπάστεν σο τσ̌αΐρ’, σο χ̌έρ’ν ατ’ς η κρωπή έν’ Εκλίστα να φιλώ -γ- ατο και είπε με «εντροπή έν’» Αβτζ̌ής είμαι και κυνηγώ τα έμορφα κορτσόπα Πϊάνω και φιλώ -γ- ατα γλυκέα σα χ̌ειλόπα Εγώ απέσ’ σα όνειρα¹ μ’ ελέπω την τρυγόνα μ’ Εγώ έναν εγάπ’ έχω και πίστη μ’ και εικόνα μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αβτζ̌ής | κυνηγός | avcı | |
| απέσ’ | μέσα | ||
| ατα | αυτά | ||
| ατ’ς | αυτής, της | ||
| γλυκέα | (επιρρ.) γλυκά | ||
| δί’ | δίνει | ||
| εγάπ’ | αγάπη | ||
| εκλίστα | έσκυψα, έκλινα | ||
| ελέπω | βλέπω | ||
| έμορφα | όμορφα | ||
| εμπονέστι͜α | τελευταία μέρα πριν την έναρξη της Σαρακοστής, έθιμο της Αποκριάς κατά το οποίο γινόταν μεγάλο φαγοπότι | εμβαίνω εις την νηστείαν | |
| έν’ | είναι | ||
| εντροπή | ντροπή | ||
| επεκεί | από εκεί, από τότε, ύστερα, κατόπιν | ||
| εσούμωσαν | σίμωσαν, πλησίασαν, κόντεψαν | ||
| εχπάστεν | αναχώρησε, κίνησε για | ||
| ’κι | δεν | οὐκί<οὐχί | |
| κορτσόπα | κοριτσάκια | ||
| κρωπή | δρέπανο | κρώπιον | |
| τιδέν | τίποτα | ||
| τρυγόνα | το πουλί τρυγόνι, χαϊδευτική προσφώνηση γυναίκας | ||
| τσ̌αΐρ’ | λιβάδι | çayır | |
| φίλ’ | (προστ. φιλώ) φίλα, (πληθ. φίλον) φίλοι | ||
| χ̌ειλόπα | χειλάκια | ||
| χ̌έρ’ν | χέρι |
¹ Ορθ. χρήση το «ονέρ’τα»
