Μάνα, εύραμε τη νύφε

Προβολή Τραγουδιού

Καλλιτέχνες: Γώγος Ιωαννίδης, Σταύρος Ιωαννίδης

Μάνα, εύραμε τη νύφε
έχουμε και την παράν
Ας καλούμε το χωρίον
να ευτάμε τη χαράν

Με κλαρίνα και με λύρας
κι ούλ’ οι φίλοι σο χορόν
Θα γλεντούμε και θα πάμε,
μανίτσα, ους να μερών’

Έμορφος τ’ εσόν η νύφε
άμον ήλες παρλαεύ’
Ας αληγορούμε, μάνα,
μη σκαλών’ και πουσ̌μανεύ’

Με κλαρίνα και με λύρας
κι ούλ’ οι φίλοι σο χορόν
Θα γλεντούμε και θα πάμε,
μανίτσα, ους να μερών’

Παστρικόν και προκομμένον
και ας σ’ ούλι͜α το καλόν
Απ’ ατό θα πίντς, μανίτσα μ’,
και έναν ποτήρ’ νερόν

Με κλαρίνα και με λύρας
κι ούλ’ οι φίλοι σο χορόν
Θα γλεντούμε και θα πάμε,
μανίτσα, ους να μερών’

Γλωσσάρι

Κείμενο	Επεξήγηση	Ετυμ. Ρίζα
αληγορούμε	βιαζόμαστε
άμον	σαν, όπως, καθώς	ἅμα
ας σ’	(ας σου) από του, από τότε που/αφότου, (ας σο) από το/τα
έμορφος	όμορφος/η
εσόν	δικός/ή/ό σου
εύραμε	βρήκαμε
ευτάμε	κάνουμε, φτιάχνουμε	εὐθειάζω
ήλες	ήλιος
μερών’	μερώνει, ξημερώνει
νύφε	νύφη
ούλ’	όλοι
ούλι͜α	όλα
ους	ως, μέχρι
παράν	λεφτά, το χρήμα	para/pāre
παρλαεύ’	λάμπει, λαμποκοπά	parlamak
παστρικόν	καθαρό, τίμιο
πίντς	πίνεις
πουσ̌μανεύ’	μετανιώνει	pişman olmak<paşmān
σκαλών’	αρχινώ/ά, ξεκινώ/άει, εκκινώ/εί ένα έργο/δουλειά