Προβολή Τραγουδιού

Αν αποθάνω θάψτε με

Καλλιτέχνες: Γιώργος Σιδηρόπουλος, Μπάμπης Κεμανετζίδης

Αν αποθάνω, γιαβρόπο μ’,
θάψον με τον φέγγον
’Μάραντα και τραντάφυλλα
σο κιφαλόπο μ’ θέκον

Αν αποθάνω ξάι μη κλαις
και μη τρως την καρδία σ’
Κλάψον με ατώρα ζωντανόν
και φτούλτσον τα μαλλία σ’

Γλωσσάρι

Κείμενο	Επεξήγηση	Ετυμ. Ρίζα
αποθάνω	πεθαίνω
ατώρα	τώρα
γιαβρόπο	μωράκι, μικρούλι, παιδάκι	yavru + -όπον
θάψον	θάψε (προστ.)
θέκον	θέσε, τοποθέτησε, βάλε (προστ.)
κιφαλόπο	κεφαλάκι
κλάψον	κλάψε (προστ.)
’μάραντα	(επιστ. Helichrysum stoechas) τα αγριολούλουδα ελίχρυσος ο πολύτιμος
ξάι	καθόλου
φέγγον	φεγγάρι
φτούλτσον	μάδησε, ξεπουπούλισε (προστ.)