Προβολή Τραγουδιού
Αροθυμώ τ’ ομματόπα σ’ |
Με τοι φίλτς ι-μ’ εντάμαν Νο2Στιχουργοί: Βασίλης Μωυσιάδης
Συνθέτες: Μπάμπης Κεμανετζίδης
Καλλιτέχνες: Αγάπη Τσαΐδου, Μπάμπης Κεμανετζίδης
Τρανόν πελιάν, τρανόν κακόν τρανόν τυρα̤ννισίαν Άμα ’κ’ ελέπω σε αφτύντς σην ψ̌η μ’ τρανόν φωτίαν Αροθυμώ τ’ ομματόπα σ’ ατά ζωήν ντο δίν’νε κι εκείν’ τα λόγια τη σεβτάς τα τερτόπα ντο βζήν’νε Ο ουρανόν τον ήλιον έχ̌’, τα άστρα και τον φέγγον κι εγώ, αρνί μ’, σ’ εγκαλιόπο μ’ εσέν θέλω να θέκω Αροθυμώ τ’ ομματόπα σ’ ατά ζωήν ντο δίν’νε κι εκείν’ τα λόγια τη σεβτάς τα τερτόπα ντο βζήν’νε Αν κρούει η καρδι͜ά σ’ για τ’ εμέν έρχουμαι, πουλί μ’, λάλ’ με κι αν έν’ η εγάπη σ’ άψιμον ας καίουμαι και χάμαι Αροθυμώ τ’ ομματόπα σ’ ατά ζωήν ντο δίν’νε κι εκείν’ τα λόγια τη σεβτάς τα τερτόπα ντο βζήν’νε
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αροθυμώ | νοσταλγώ | ||
| ατά | αυτά | ||
| αφτύντς | ανάβεις | ||
| άψιμον | φωτιά | ||
| βζήν’νε | σβήνουν | ||
| δίν’νε | δίνουν | ||
| εγάπη | αγάπη | ||
| εγκαλιόπο | αγκαλίτσα | ||
| εκείν’ | εκείνοι/α | ||
| ελέπω | βλέπω | ||
| έν’ | είναι | ||
| έρχουμαι | έρχομαι | ||
| έχ̌’ | έχει | ||
| θέκω | θέτω, τοποθετώ, βάζω | ||
| ’κ’ | δεν | οὐκί<οὐχί | |
| καίουμαι | καίγομαι | ||
| κρούει | χτυπάει | κρούω | |
| λάλ’ | (προστ.) βγάλε λαλιά, κάλεσε, αποκάλεσε, προσκάλεσε, οδήγησε | ||
| ομματόπα | ματάκια | ||
| πελιάν | βάσανο, σκοτούρα | bela | |
| σεβτάς | αγάπης, έρωτα | sevda/sevdā | |
| τερτόπα | (υποκορ.) καημοί, βάσανα, στενοχώριες | dert | |
| τυρα̤ννισίαν | τυράννια, ταλαιπωρία | ||
| φέγγον | φεγγάρι | ||
| χάμαι | χάνομαι, μτφ. πεθαίνω | ||
| ψ̌η | ψυχή |
