Προβολή Τραγουδιού

Το αποκούμπ’ σα βάσανα μ’

Καλλιτέχνες: Γιάννης Γκόσιος, Μπάμπης Κεμανετζίδης

Το αποκούμπ’ σα βάσανα μ’,
το φως ι-μ’ σην σκοτίαν
Σ̌ονλίκ ση στράταν τη ζωής
ήλιος σην αγρισίαν

Αμόν ατέν κανένας κ’ έχ̌’
μαλαματένιον ψ̌όπον
Σο έρημον τ’ εγκαλιόπο μ’
θεόσταλτον τ’ αρνόπο μ’

Αγνόν το ψ̌όπο σ’ και γλυκύν
ότιναν βάλ’ νισ̌άνι
τον πόνον ατ’ καλορουφίζ’
και παραδί’ χαράν -ι

Γλωσσάρι

Κείμενο	Επεξήγηση	Ετυμ. Ρίζα
αγνόν	αλλόκοτο/η, περίεργο/η, σπουδαίο/α, αξιοθαύμαστο/η
αγρισίαν	αίσθηση ακαθόριστου φόβου/δέους
αποκούμπ’	στήριγμα, καταφύγιο
αρνόπο	αρνάκι, χαϊδευτική προσφώνηση γυναίκας
ατέν	αυτήν
γλυκύν	γλυκιά/ό
εγκαλιόπο	αγκαλίτσα
έχ̌’	έχει
νισ̌άνι	σημάδι, στόχος, αρραβώνας	nişan/nişān
ότιναν	όποιον, οποιονδήποτε
παραδί’	παραδίνει, καταδίδει
σκοτίαν	σκοτάδι
σ̌ονλίκ	χαρά, ψυχαγωγία, αυτό που δίνει χαρά	şenlik
ψ̌όπο	ψυχούλα
ψ̌όπον	ψυχούλα