Προβολή Τραγουδιού
Άμον ελαίας μαύρα |

Στιχουργοί: Κώστας Καραπαναγιωτίδης
Συνθέτες: Κώστας Καραπαναγιωτίδης
Καλλιτέχνες: Κώστας Καραπαναγιωτίδης, Μπάμπης Κεμανετζίδης
Μαύρα τ’ ομμάτι͜α σ’ έμορφα άμον ελαίας μαύρα Εμέν όντες τερούνε με γιατί δα̤κρούνε πάντα; Εμέν, εμέν, Εμέν κι εσέν, πουλόπο μ’, ’πολέμεσανε με την ψ̌ην να βάλ’νε σο ταφόπον Τ’ ομμάτοπα σ’ όντες τερώ οι ουρανοί ανοίγ̆’νε Τσ̌ιτσ̌άκια εβγαίν’νε ολόερα και -ν- όλια εμορφύν’νε Εμέν, εμέν, Εμέν κι εσέν, πουλόπο μ’, ’πολέμεσανε με την ψ̌ην να βάλ’νε σο ταφόπον
Κείμενο | Επεξήγηση | Ετυμ. Ρίζα | Προέλευση |
---|---|---|---|
άμον | σαν, όπως, καθώς | ἅμα | |
ανοίγ̆’νε | ανοίγουν | ||
βάλ’νε | βάλουν | ||
δα̤κρούνε | δακρύζουν | ||
εβγαίν’νε | βγαίνουν | ||
ελαίας | (τα) ελιές, (τη) ελιάς | ||
έμορφα | όμορφα | ||
εμορφύν’νε | ομορφαίνουν | ||
όλια | όλα | ||
ολόερα | ολόγυρα | ||
ομμάτι͜α | μάτια | ||
όντες | όταν | ||
’πολέμεσανε | (επολέμεσανε) πολέμησαν, πάλαιψαν να καταφέρουν | ||
πουλόπο | πουλάκι | ||
ταφόπον | (υποκορ.) τάφος | ||
τερούνε | κοιτούν | ||
τερώ | κοιτώ | ||
τσ̌ιτσ̌άκια | λουλούδια | çiçek | |
ψ̌ην | ψυχή |