Προβολή Τραγουδιού
Απέσ’ σην Καστανέαν |
Στιχουργοί: Παραδοσιακό
Συνθέτες: Παραδοσιακό
Καλλιτέχνες: Μάντης Σαββίδης, Σταύρος Σαββίδης
Σα δεκαπέντε τ’ Αγουστί πήγα σην Καστανέαν Με τον Φούλην και τον Μάντην εποίκαμε παρέαν Απέσ’ σην Καστανέαν, ση Σουμελάν μερέαν Τ’ αρνί μ’ ας σην Τσερκόβιαν¹ μυρίζ’ τρανταφυλλέαν Τ’ αρνόπο μ’ ας σην Ράχωβαν² μυρίζ’ μανουσ̌ακέαν Χαϊτέστε ας πάμε παιδία ση Τσ̌αχούρ’ το φουρνίν-ι Απάν’ σα ξημερώματα τρώγομε πινερλίν-ι Απέσ’ σην Καστανέαν, ση Σουμελάν μερέαν Τ’ αρνί μ’ ας σην Τσερκόβιαν¹ μυρίζ’ τρανταφυλλέαν Τ’ αρνόπο μ’ ας σην Ράχωβαν² μυρίζ’ μανουσ̌ακέαν Ο Φούλης είπεν τον Τσ̌αχούρ’ «Ποίσον μας πινερλίν-ι! Τέρεν και μη αργεύ’ς πολλά θα καίγω το φουρνίν-ι» Απέσ’ σην Καστανέαν, ση Σουμελάν μερέαν Τ’ αρνί μ’ ας σην Τσερκόβιαν¹ μυρίζ’ τρανταφυλλέαν Τ’ αρνόπο μ’ ας σην Ράχωβαν² μυρίζ’ μανουσ̌ακέαν Παιδία, να λελεύω σας, ολίγον αναμέστεν Παίξτεν με έναν κεμεντζ̌έν, Σαντέτ’κα τραγωδέστεν Απέσ’ σην Καστανέαν, ση Σουμελάν μερέαν Τ’ αρνί μ’ ας σην Τσερκόβιαν¹ μυρίζ’ τρανταφυλλέαν Τ’ αρνόπο μ’ ας σην Ράχωβαν² μυρίζ’ μανουσ̌ακέαν Απάν’ σα ξημερώματα ση Τσ̌αχούρ’ το φουρνίν-ι ο Μάντης, ο Φούλης κι εγώ τρώγομε πινερλίν-ι Απέσ’ σην Καστανέαν, ση Σουμελάν μερέαν Τ’ αρνί μ’ ας σην Τσερκόβιαν¹ μυρίζ’ τρανταφυλλέαν Τ’ αρνόπο μ’ ας σην Ράχωβαν² μυρίζ’ μανουσ̌ακέαν Ο Τσ̌αχούρτς εβλαστήμανεν «Ντο έν’ ατό ντ’ ευτάτεν; Εμέρωσεν η ανατολή σ’ οσπίτι͜α σουν ’κι πάτεν» Απέσ’ σην Καστανέαν, ση Σουμελάν μερέαν Τ’ αρνί μ’ ας σην Τσερκόβιαν¹ μυρίζ’ τρανταφυλλέαν Τ’ αρνόπο μ’ ας σην Ράχωβαν μυρίζ’ μανουσ̌ακέαν
Κείμενο | Επεξήγηση | Ετυμ. Ρίζα | Προέλευση |
---|---|---|---|
αναμέστεν | περιμένετε (προστ.) | ||
απάν’ | πάνω | ||
απέσ’ | μέσα | ||
αργεύ’ς | αργείς, καθυστερείς | ||
αρνόπο | αρνάκι, χαϊδευτική προσφώνηση γυναίκας | ||
εβλαστήμανεν | βλαστημούσε | ||
εμέρωσεν | ξημέρωσε | ||
έν’ | είναι | ||
εποίκαμε | κάναμε, φτιάξαμε | ποιέω-ῶ | |
ευτάτεν | κάνετε, φτιάχνετε | εὐθειάζω | |
κεμεντζ̌έν | λύρα | kemençe/kemānçe | |
’κι | δεν | ουκί<οὐχί | |
λελεύω | χαίρομαι | ||
μανουσ̌ακέαν | μυρωδιά μενεξέ/βιολέτας | մանուշակ (manušak)<manafšak | |
μερέαν | μεριά | ||
οσπίτι͜α | σπίτια | hospitium<hospes | |
παιδία | παιδιά | ||
παίξτεν | παίξτε (προστ.) | ||
πάτεν | πηγαίνετε, πάτε | ||
ποίσον | κάνε, φτιάξε (προστ.) | ποιέω, ποιῶ | |
πολλά | πολλά (επίθ.), πολύ (επίρ.) | ||
σουν | σας | ||
τέρεν | κοίταξε (προστ.) | ||
τραγωδέστεν | τραγουδήστε (προστ.) | ||
τρανταφυλλέαν | μυρωδιά ρόδου | ||
τρώγομε | τρώμε | ||
φουρνίν | φούρνος | ||
χαϊτέστε | άντε | hayde (οθωμ. περιόδου) |
¹ (ή Τσερκόβιαννη) παλιά ονομασία του χωριού Μικρή Σάντα Ημαθίας ² Παλιά ονομασία του χωριού Ράχη Ημαθίας