Σεβταλίν, μικρόν αρνί μ’

Προβολή Τραγουδιού

Καλλιτέχνες: Πόλυς Παυλίδης, Σάββας Ζαπουνίδης

Σεβταλίν, μικρόν πουλί μ’,
γιατί τυραννί͜εις την ψ̌η μ’;
Γιατί κάθεσαι και κλαις
και τα τερτόπα σ’ ’κι λες;

Απ’ εμέν, μικρόν αρνί μ’,
να μη κρατείς μυστικά
Κανένας άμον εμέν
τα τερτόπα σ’ ’κ’ εγροικά

Κρίνα και τραντάφυλλα
τα νεότητα τ’ εσά
Άμον τη ματί’ μ’ το φως
εσέναν εγάπεσα

Απ’ εμέν, μικρόν αρνί μ’,
να μη κρατείς μυστικά
Κανένας άμον εμέν
τα τερτόπα σ’ ’κ’ εγροικά

Όντες κλαις, μικρόν αρνί μ’,
το καρδόπο μ’ φαρμακώντς
Και με τ’ αναστέναγμαν
το μαχ̌αίρ’ σην ψ̌η μ’ καρφώντς

Απ’ εμέν, μικρόν αρνί μ’,
να μη κρατείς μυστικά
Κανένας άμον εμέν
τα τερτόπα σ’ ’κ’ εγροικά

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
εγάπεσα	αγάπησα
εγροικά	καταλαβαίνει
εσά	δικά σου/σας
’κ’	δεν	οὐκί<οὐχί
καρδόπο	καρδούλα
καρφώντς	καρφώνεις
’κι	δεν	οὐκί<οὐχί
κρατείς	κρατάς
ματί’	ματιού
μαχ̌αίρ’	μαχαίρι
νεότητα	νιότη, νιάτα
όντες	όταν
σεβταλίν	ερωτευμένο, ερωτοχτυπημένο	sevdalı
τερτόπα	(υποκορ.) καημοί, βάσανα, στενοχώριες	dert
τραντάφυλλα	τριαντάφυλλα
τυραννί͜εις	τυραννάς, ταλαιπωρείς
φαρμακώντς	φαρμακώνεις
ψ̌η	ψυχή