Όντες ση στράταν πορπατείς

Προβολή Τραγουδιού

Καλλιτέχνες: Γιώργος Ορφανίδης, Μπάμπης Κεμανετζίδης

Όντες ση στράταν πορπατείς
σην δὲβα σ’ όλια σείουν
Τα παλληκάρι͜α παλαλώντς
και καρδόπα μανίουν

Η εμορφία σ’ παρλαεύ’,
ο φέγγον πα ζελεύ’ σε
Νασάν εκείν’/εείν’ το παλληκάρ’
εσέναν που λελεύ’ σε

Μανουσ̌ακόπα, αμάραντα,
κόρη, εσύ οξ̌ι͜άζεις
κι ήντζαν τερεί σον πρόσωπο σ’
τ’ ομμάτι͜α τ’ χαντυλλι͜άζεις

Η εμορφία σ’ παρλαεύ’,
ο φέγγον πα ζελεύ’ σε
Νασάν εκείν’/εείν’ το παλληκάρ’
εσέναν που λελεύ’ σε

Γενίν το φιστανόπο σου 
και ντ’ έμορφα ιεύ’ σε!
Και μετ’ εσέν που πορπατεί
καμίαν ’κι πεζεύ’ σε

Η εμορφία σ’ παρλαεύ’,
ο φέγγον πα ζελεύ’ σε
Νασάν εκείν’/εείν’ το παλληκάρ’
εσέναν που λελεύ’ σε

Γλωσσάρι

Κείμενο	Επεξήγηση	Ετυμ. Ρίζα
αμάραντα	(επιστ. Helichrysum stoechas) τα αγριολούλουδα ελίχρυσος ο πολύτιμος
γενίν	καινούριο	yeni
δὲβα	διάβα, πέρασμα
εκείν’	εκείνοι/α
έμορφα	όμορφα
εμορφία	ομορφιά
ζελεύ’	ζηλεύω/ει
ήντζαν	οποιοσδήποτε, όποιος / οποιονδήποτε, όποιον
ιεύ’	ταιριάζει	uymak
καμίαν	ποτέ
καρδόπα	καρδούλες
’κι	δεν	οὐκί<οὐχί
λελεύ’	χαίρομαι/εται
μανίουν	μαυρίζουν/μουντζουρώνονται από την καπνιά, καταστρέφονται, κατακαίγονται μέχρι καπνιάς
μανουσ̌ακόπα	μενεξέδες/βιολέτες	մանուշակ (manušak)<manafšak
μετ’	μαζί με (με αιτιατική), με (τρόπος)
νασάν	χαρά σε
όλια	όλα
ομμάτι͜α	μάτια
όντες	όταν
οξ̌ι͜άζεις	είσαι ισάξιος/α, αξίζεις όσο, ξεπερνάς σε αξία
πα	πάλι, επίσης, ακόμα
παλαλώντς	τρελαίνεις
παρλαεύ’	λάμπει, λαμποκοπά	parlamak
πεζεύ’	βαριέμαι/ται, κουράζομαι/ται	bezmek
πορπατεί	περπατάει
πορπατείς	περπατάς
σείουν	σείονται
τερεί	κοιτάει
φέγγον	φεγγάρι
φιστανόπο	φουστανάκι	fistan<fustān
χαντυλλι͜άζεις	γαργαλάς, μτφ. θαμπώνεις

Σημειώσεις

Φωνητικά: Χριστίνα Κεμανετζίδου