Κορτσόπον απαράλλαχτα

Προβολή Τραγουδιού

Καλλιτέχνες: Μάντης Σαββίδης, Σταύρος Σαββίδης

Κορτσόπον απαράλλαχτα
[ν’ αηλί εμέν!]
ομοι͜άεις τ’ εμόν τ’ αρνόπο μ’
[έλα -ν- έλα/πατ’ και δέβα]
Σάεψον εκείνο είσαι
[ν’ αηλί εμέν!]
κι έλα έμπα σ’ εγκαλόπο μ’
[έλα -ν- έλα/πατ’ και δέβα]

Σ’ εγκαλόπο μ’ σίτι͜α εκείτουν
[ν’ αηλί εμέν!]
τ’ αρνί μ’ επεσ̌κεπάεν
[έλα -ν- έλα/πατ’ και δέβα]
Βαθέα αναστέναξεν
[ν’ αηλί εμέν!]
το καρδόπο μ’ εκάεν
[έλα -ν- έλα/πατ’ και δέβα]

Όντες φορείς και -ν- αναλλά͜εις
[ν’ αηλί εμέν!]
και πας σην εκκλησίαν
[έλα -ν- έλα/πατ’ και δέβα]
Γουρπάν’ σ’ ευτάς να ’ίνουμαι
[ν’ αηλί εμέν!]
σην γονατοκλισίαν
[έλα -ν- έλα/πατ’ και δέβα]

Η καρδι͜ά μ’ ετσ̌αΐρωσεν
[ν’ αηλί εμέν!]
και τ’ αιγιδόπα μ’ βόσκουν
[έλα -ν- έλα/πατ’ και δέβα]
Λελεύ’ ατα τ’ ομματόπα σ’
[ν’ αηλί εμέν!]
ντ’ έμορφα ’γυροκλώσκουμ’
[έλα -ν- έλα/πατ’ και δέβα]

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
αιγιδόπα	κατσικούλες
αναλλά͜εις	φοράς τα καλά/γιορτινά σου ρούχα
απαράλλαχτα	απολύτως όμοια, με απαράλλακτο τρόπο
αρνόπο	αρνάκι, χαϊδευτική προσφώνηση γυναίκας
ατα	αυτά
βαθέα	βαθιά
βόσκουν	βοσκάνε
γονατοκλισίαν	γονυκλισία
γουρπάν’	θυσία	kurban/ḳurbān
’γυροκλώσκουμ’	κλωθογύριζα
δέβα	(προστ.) πήγαινε
εγκαλόπο	αγκαλιά, αγκαλίτσα
εκάεν	κάηκε
εκείτουν	κείτονταν, ξάπλωνε
εμόν	δικός/ή/ό μου	ἐμοῦ
έμορφα	όμορφα
έμπα	(προστ.) μπες
επεσ̌κεπάεν	ξεσκεπάστηκε
ετσ̌αΐρωσεν	χορτάριασε	çayır=λιβάδι
ευτάς	κάνεις, φτιάχνεις	εὐθειάζω
’ίνουμαι	γίνομαι
καρδόπο	καρδούλα
κορτσόπον	κοριτσάκι
λελεύ’	χαίρομαι/εται
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
ομματόπα	ματάκια
ομοι͜άεις	ομοιάζεις, μοιάζεις
όντες	όταν
σάεψον	(προστ.) υπολόγισε, εκτίμησε, λογάριασε	saymak
σίτι͜α	καθώς, ενώ	σόταν<εις όταν