Προβολή Τραγουδιού

Εγώ μίαν εγάπεσα

Καλλιτέχνες: Βέφα Μιχαηλίδου, Γιάννης Τσανάκαλης

Εγώ μίαν εγάπεσα
κι εγάπεσα με πάθος
Κι αν παίρ’νε το πουλίν τ’ εμόν,
εγάπη μ’ ’κ’ έτον λάθος

Εγώ μίαν εγάπεσα,
εγάπη μ’ έτον έναν
Άλλεν κι αν σουμαδεύκεται
για τ’ εμέν θα έν’ ψέμαν

Εγώ μίαν εγάπεσα,
εδέκα την καρδία μ’
Καλόγραια θα ’ίνουμαι,
θα έ͜εις την αμαρτία μ’

Γλωσσάρι

Κείμενο	Επεξήγηση	Ετυμ. Ρίζα
άλλεν	άλλη
έ͜εις	έχεις
εγάπεσα	αγάπησα
εδέκα	έδωσα
εμόν	δικός/ή/ό μου	ἐμοῦ
έν’	είναι
έτον	ήταν
’ίνουμαι	γίνομαι
’κ’	δεν	ουκί<οὐχί
μίαν	μια φορά
παίρ’νε	παίρνουν
σουμαδεύκεται	αρραβωνιάζεται, λογοδίνεται