Προβολή Τραγουδιού

Μάνα, θέλω να παντρεύω

Καλλιτέχνες: Γιάννης Τσανάκαλης, Θόδωρος Παυλίδης

Μάνα, θέλω να παντρεύω,
Ησαΐα να χορεύω
Τίναν, μάνα, να χωρίζω;
Μάνα, πώς να γυναικίζω;

Τη Σταυρούλαν αγαπώ,
χωρίς Άνναν πώς να ζω;
Αγαπώ και τη Σοφούλαν,
λύγουμαι για την Τασούλαν

Μάνα, θέλω να παντρεύω
με τη γαρή μ’ να χορεύω
Σα χαράντας, σα τσ̌ουμπούσ̌ι͜α,
σα σουμάδι͜α και φωτίσ̌ι͜α

Η Σταυρούλα σιδερών’,
η Αννούλα έν’ σεμνόν
Η Σοφούλα μαειρεύ’
κι η Τασούλα Τας χορεύ’

Μάνα, θέλω να παντρεύω
κι ας σο πεκιαρλούκ’ να φεύω
Και τιζεύω τα παιδία,
είναι τη χαράς κλαδία

Για τ’ εμέν θα έν’ τσ̌οτίν
να χωρίζω εγώ γαρήν
Χώρτσον τη νύφεν τ’ εσόν,
ποίος θα φέρ’ -τ- σε νερόν

Γλωσσάρι

Κείμενο	Επεξήγηση	Ετυμ. Ρίζα
γαρή	σύζυγος, γυναίκα	karı
γαρήν	γυναίκα (αιτ.)	karı
γυναικίζω	βρίσκω γυναίκα, νυμφεύομαι
έν’	είναι
εσόν	δικός/ή/ό σου
λύγουμαι	λιώνω
μαειρεύ’	μαγειρεύει
νύφεν	νύφη
παιδία	παιδιά
παντρεύω	παντρεύομαι, δίνω την/ον κόρη/γιο μου για παντρειά
πεκιαρλούκ’	εργένικη ζωή	bekarlık
σιδερών’	σιδερώνω/ει
σουμάδι͜α	σημάδια, αρραβώνες
Τας	ονομασία αντικρυστού ποντιακού χορού
τιζεύω	βάζω στη σειρά, αραδιάζω	dizmek
τίναν	ποιον/α
τσ̌οτίν	σκληρό, δύσκολο	çetin
τσ̌ουμπούσ̌ι͜α	τσιμπούσια, γλέντια	cümbüş/cunbiş
φέρ’	φέρνω/ει
φεύω	φεύγω
φωτίσ̌ι͜α	βαπτίσεις
χαράντας	χαρές, γάμοι
χορεύ’	χορεύω/ει
χωρίζω	ξεχωρίζω, ξεδιαλέγω
χώρτσον	χώρισε, ξεχώρισε, ξεδιάλεξε (προστ.)