Ν’ αϊλί π’ εξεριζώθαν

Έκαψαν το Τσ̌αρτσ̌ί-Τερέ,
την Τσ̌άτμαν, το Ποϊμούλ
Κώτσογλου και Τερέκιοϊ,
εκεί εσπάγαν ούλ’

Ν’ αϊλί, ν’ αϊλί
ατείντς που ’ξεριζώθαν
Εφέκαν τα υπάρχοντα
σον τόπον ντ’ εγεννέθαν

Σην Τραπεζούντα τ’ έμορφος
σο Εζέκ ας σην Χόπαν
Σα Σούρμενα, σο Ερζερούμ
τ’ οσπίτι͜α εκαρακώθαν

Ν’ αϊλί, ν’ αϊλί
ατείντς που ’ξεριζώθαν
Εφέκαν τα υπάρχοντα
σον τόπον ντ’ εγεννέθαν

Εσ’κώθαν ας σο Γούρπαγλου,
ο Πόντον ξεριζούται
Σινώπη, Ούλια, Τρίπολη,
κανένας ’κι θα σούται

Ν’ αϊλί, ν’ αϊλί
ατείντς που ’ξεριζώθαν
Εφέκαν τα υπάρχοντα
σον τόπον ντ’ εγεννέθαν

Μη κλαις και μη μοιρολογάς,
’κι χάται η Ρωμανία!
Εμείς είμες οι Πόντιοι,
Τραντέλλενων παιδία!

Ν’ αϊλί, ν’ αϊλί
ατείντς που ’ξεριζώθαν
Εφέκαν τα υπάρχοντα
σον τόπον ντ’ εγεννέθαν