Μαναχία, μαναχία

Προβολή Τραγουδιού

Θυμάσαι όντας ελάσκουμες
σα ψηλά τα ραχ̌ία
Εσύ πουλίν, εγώ πουλίν,
σύρομε μαναχ̌ίαν

Μαναχ̌ία, μαναχ̌ία,
ατέ ’κ’ έν’ καλόν δουλείαν
Εμείς με το ζευγάρωμαν
θα ευρήκουμ’ λογαρίαν

Η μαναχ̌ία έν’ τσ̌ατίν,
έλα να ζευγαρούμες
Με τ’ εκκλησία σ’ την ευχ̌ήν
εντάμαν να κοιμούμες

Μαναχ̌ία, μαναχ̌ία,
ατέ ’κ’ έν’ καλόν δουλείαν
Εμείς με το ζευγάρωμαν
θα ευρήκουμ’ λογαρίαν

Θυμάσαι όντας εκάθουμ’νες
απέσ’ και σα τσ̌ακάτι͜α
Ετραγώδ’να σε κι έλεγα
«γουρπάν’ σ’ εσά τ’ ομμάτι͜α!»

Μαναχ̌ία, μαναχ̌ία,
ατέ ’κ’ έν’ καλόν δουλείαν
Εμείς, πουλί μ’, ζευγαρούμες,
θα ευρήκουμ’ λογαρίαν

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
ατέ	αυτή
γουρπάν’	θυσία	kurban/ḳurbān
δουλείαν	δουλειά
εκάθουμ’νες	καθόμασταν
ελάσκουμες	περιφερόμασταν, τριγυρίζαμε, περιπλανιόμασταν	ἀλάομαι/ηλάσκω
έν’	είναι
εντάμαν	μαζί
εσά	δικά σου/σας
ετραγώδ’να	τραγουδούσα
ευρήκουμ’	βρίσκουμε
ζευγαρούμες	ζευγαρώνουμε
’κ’	δεν	οὐκί<οὐχί
κοιμούμες	κοιμόμαστε
λογαρίαν	λογαριασμός
μαναχ̌ία	μοναξιά
μαναχ̌ίαν	μοναξιά
ομμάτι͜α	μάτια
όντας	όταν
ραχ̌ία	ράχες, βουνά
σύρομε	σέρνουμε, τραβάμε, ρίχνουμε
τσ̌ακάτι͜α	φρέσκοι βλαστοί σπαρτών φυτών που φυτεύονται το φθινόπωρο	ceğet
τσ̌ατίν	σκληρό, δύσκολο	çetin