Πονεί η καρδία μ’

Προβολή Τραγουδιού

Ήλε μ’, εσύ από ψηλά,
π’ ελέπ’ς όλον τον κόσμον
Αν ελέπ’ς το μικρόν τ’ αρνί μ’,
πέ’ ατεν μόνον πονώ

Πονεί η καρδία μ’
και κλαίει η λαλία μ’
Τη νύχταν όντες τραγωδώ
για τ’ εσέν τραγωδίαν

Ήλε μ’, τη στράταν φώταξον,
τ’ αρνόπο μ’ να μη χάται
Εσείς αστρόπα τ’ ουρανού,
εμέναν εγροικάτε

Πονεί η καρδία μ’
και κλαίει η λαλία μ’
Τη νύχταν όντες τραγωδώ
για τ’ εσέν τραγωδίαν

Πετέστε͜ ατο τ’ αρνόπο μου
σ’ εμέν σουμά να έρ’ται
Ατότε θα λαρούντανε
ατά τ’ εμά τα τέρτα̤

Πονεί η καρδία μ’
και κλαίει η λαλία μ’
Τη νύχταν όντες τραγωδώ
για τ’ εσέν τραγωδίαν

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
αστρόπα	αστεράκια
ατά	αυτά
ατεν	αυτήν
ατότε	τότε
εγροικάτε	καταλαβαίνετε
ελέπ’ς	βλέπεις
εμά	δικά μου
έρ’ται	έρχεται
λαλία	λαλιά, φωνή
λαρούντανε	γιατρεύονται, θεραπεύονται
όντες	όταν
πέ’	(προστ.) πες
πετέστε	(προστ.) πείτε
σουμά	κοντά
τέρτα̤	καημοί, βάσανα, στενοχώριες	dert
τραγωδίαν	τραγούδι
τραγωδώ	τραγουδάω
φώταξον	(προστ.) φώτισε
χάται	χάνεται