Προβολή Τραγουδιού
Μάνα μ’, η σεβτά |
Στιχουργοί: Γιάννης Τσανάκαλης
Συνθέτες: Γιάννης Τσανάκαλης
Καλλιτέχνες: Γιώργος Νικολαΐδης
Πόσοι εγεννέθανε σον κόσμον και ποίος ’κ’ εδέβεν τη σεβντάν Άλλοι επορούν και πετσ̌αρεύ’νε -Άι, μαμάτσα μ’!- και -ν- άλλ’ τερούνε από μακρά Βάι [x6] Μάνα μ’, η σεβντά, βάι ατέ ντο ’κ’ ευτάει! Μάνα μ’, η σεβντά, βάι [x5] Μάνα μ’, η σεβντά, βάι ατέ ντο ’κ’ ευτάει! Κρούει με τη σαΐταν σην καρδία, ’κ’ ελέπ’ ατέ όντες σημαδεύ’ Αλλού ευτάει μαύρα κι αλλού άσπρα -Άι, μαμάτσα μ’!- όθεν κέσ’ περάν’ και ούλτς μαεύ’ Βάι [x6] Μάνα μ’, η σεβντά, βάι ατέ ντο ’κ’ ευτάει! Μάνα μ’, η σεβντά, βάι [x5] Μάνα μ’, η σεβντά, βάι ατέ ντο ’κ’ ευτάει! Πώς νεβζήν’ τον ήλον και τον φέγγον! Ήντι͜αν θέλ’ ατέ πάντα ευτάει και -ν- άμον τυφλόν πώς οδηγά σε -Άι, μαμάτσα μ’!- τ’ όνομα σ’ έρ’ται και ανασπάλτς Βάι [x6] Μάνα μ’, η σεβντά, βάι ατέ ντο ’κ’ ευτάει! Μάνα μ’, η σεβντά, βάι [x5] Μάνα μ’, η σεβντά, βάι ατέ ντο ’κ’ ευτάει! Κανείς απάν’ ση ζωήν ’κ’ ευρέθεν, παλληκάρ’ τη σεβντάν να νικά Επιστήμονες τσ̌αρέν πώς ’κ’ εύραν -Άι, μαμάτσα μ’!- ούτε δι͜ατροί, ούτε γιατρικά! Βάι [x6] Μάνα μ’, η σεβντά, βάι ατέ ντο ’κ’ ευτάει! Μάνα μ’, η σεβντά, βάι [x5] Μάνα μ’, η σεβντά, βάι ατέ ντο ’κ’ ευτάει!
Κείμενο | Επεξήγηση | Ετυμ. Ρίζα | Προέλευση |
---|---|---|---|
άμον | σαν, όπως, καθώς | ||
ανασπάλτς | ξεχνάς | ||
απάν’ | πάνω | ||
ατέ | αυτή | ||
δι͜ατροί | γιατροί | ||
εγεννέθανε | γεννήθηκαν | ||
εδέβεν | πήγε, διάβηκε, διέσχισε, ξεπέρασε | διαβαίνω | |
ελέπ’ | βλέπει/βλέπω | ||
επορούν | μπορούν | ||
έρ’ται | έρχεται | ||
εύραν | βρήκαν | ||
ευρέθεν | βρέθηκε | ||
ευτάει | κάνει, φτιάχνει | εὐθειάζω | |
ήντι͜αν | οτιδήποτε, ό,τι | ||
’κ’ | δεν | ουκί<οὐχί | |
κέσ’ | εκεί μέσα, προς τα εκεί | κέσου<κεῖσ’<κεῖσε<ἐκεῖσε | |
κρούει | χτυπάει | ||
μαεύ’ | μαγεύει | ||
μακρά | (επιρρ.) μακριά, (επιθ.) μακρινά, απομακρυσμένα | ||
νεβζήν’ | σβήνω/ει κτ | ||
όθεν | όπου, οπουδήποτε, σε όποιον | ||
όντες | όταν | ||
ούλτς | όλους | ||
περάν’ | περνάει | ||
πετσ̌αρεύ’νε | καταφέρνουν, αντιμετωπίζουν, τα βγάζουν πέρα | becermek | |
σεβντά | αγάπη, έρωτας | sevda/sevdā | |
σεβντάν | αγάπη, έρωτα | sevda/sevdā | |
τερούνε | κοιτούν | ||
τσ̌αρέν | τρόπος, λύση, θεραπεία | çare/çāre | |
φέγγον | φεγγάρι |