Προβολή Τραγουδιού
Πατούλα μ’ και λαγούδα μ’ |
Δόξα τω ΘεώΣτιχουργοί: Γιώργος Νικολαΐδης
Συνθέτες: Γιώργος Νικολαΐδης
Καλλιτέχνες: Γιώργος Νικολαΐδης, Φάνης Κουρουκλίδης
Το κορίτσ’ ντο εγάπανα αλλού εσουμαδεύτεν Έτυχεν ενταμώθαμε εσ̌άσ̌εψεν κι επέμ’νεν Λαγούδα μ’, ξαν λαγούδα μ’, λαγούδα μ’ και πατούλα μ’ τα χ̌είλι͜α σ’ ολοκόκκινα τα μὲσα σ’ έναν βούραν Άι! Τα χ̌είλι͜α σ’ ολοκόκκινα τα μέσα σ’ έναν βούραν Μη κλαις, πουλί μ’, και μη δα̤κρύ͜εις, πέει όρωμαν πως έτον Εμείς μαζί να ’ίνουμες το τυχερό μουν ’κ’ έτον Λαγούδα μ’, ξαν λαγούδα μ’, λαγούδα μ’ και πατούλα μ’ τα χ̌είλι͜α σ’ ολοκόκκινα τα μὲσα σ’ έναν βούραν Άι! Τα χ̌είλι͜α σ’ ολοκόκκινα τα μέσα σ’ έναν βούραν Όντες ελέπ’ς με χ̌αίρεσαι εξέρω ντ’ αγαπάς με Όντες κάθεσαι και νουνί͜εις εξέρω αροθυμάς με Λαγούδα μ’, ξαν λαγούδα μ’, λαγούδα μ’ και πατούλα μ’ τα χ̌είλι͜α σ’ ολοκόκκινα τα μὲσα σ’ έναν βούραν Άι! Τα χ̌είλι͜α σ’ ολοκόκκινα τα μέσα σ’ έναν βούραν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αροθυμάς | νοσταλγείς | ||
| βούραν | χούφτα | vola=η παλάμη του χεριού ή το πέλμα του ποδιού | |
| δα̤κρύ͜εις | δακρύζεις | ||
| εγάπανα | αγαπούσα | ||
| ελέπ’ς | βλέπεις | ||
| ενταμώθαμε | ανταμώσαμε | ||
| επέμ’νεν | απόμεινε | ||
| εσ̌άσ̌εψεν | σάστισε, τα έχασε | şaşmak | |
| εσουμαδεύτεν | αρραβωνιάστηκε | ||
| έτον | ήταν | ||
| ’ίνουμες | γινόμαστε | ||
| ’κ’ | δεν | οὐκί<οὐχί | |
| λαγούδα | θηλυκός λαγός, λαγουδίνα | ||
| μὲσα | (τα) η μέση | ||
| μουν | μας | ||
| νουνί͜εις | σκέφτεσαι | ||
| ξαν | πάλι, ξανά | ||
| όντες | όταν | ||
| όρωμαν | όνειρο | ||
| πατούλα | αυτή που έχει λευκό δέρμα, παχουλή, αφράτη | ||
| πέει | (προστ.) πες |
