Εσύ ομοιάεις τον ήλιον

Προβολή Τραγουδιού

Καλλιτέχνες: Γιώργος Νικολαΐδης, Πόλυς Παυλίδης

Εσύ ομοι͜άεις τον ήλιον,
τ’ ομμάτι͜α σ’ τον Αυγίτεν
[κανάρι μ’, γιαρ, αμάν!]
Η κόλφα̤ σ’ έν’ παράδεισος,
νασάν π’ εμπαίν’ και κείται
[κανάρι μ’, γιαρ, αμάν!]

Εγώ τερώ σον πρόσωπο σ’
κι εσύ τερείς τσ̌απράζι͜α
[κανάρι μ’, γιαρ, αμάν!]
Εγώ σκοτούμαι για τ’ εσέν
κι εσύ ευτάς με νάζι͜α
[κανάρι μ’, γιαρ, αμάν!]

Αγάπα εσέν που αγαπά,
χάτεψον που ’κι θέλ’ -τ- σε
[κανάρι μ’, γιαρ, αμάν!]
Τέρεν εκείν’ το παλληκάρ’
εσέναν π’ αραεύ’ σε
[κανάρι μ’, γιαρ, αμάν!]

Σο όνομα σ’ νερόν πίνω
και σην υεία σ’ ρακόπον
[κανάρι μ’, γιαρ, αμάν!]
Ανάσπαλον τα πείσματα σ’
και ρούξον σ’ εγκαλιόπο μ’
[κανάρι μ’, γιαρ, αμάν!]

Γλωσσάρι

Κείμενο	Επεξήγηση	Ετυμ. Ρίζα
ανάσπαλον	(προστ.) ξέχασε
αραεύ’	ψάχνω/ει, αναζητώ/άει, γυρεύω/ει	aramak
γιαρ	αγαπητός/ή/ό, αγάπη	yâr
εγκαλιόπο	αγκαλίτσα
εκείν’	εκείνοι/α
εμπαίν’	μπαίνει
έν’	είναι
ευτάς	κάνεις, φτιάχνεις	εὐθειάζω
κείται	κείτεται, ξαπλώνει
’κι	δεν	οὐκί<οὐχί
κόλφα̤	η αγκαλιά, ο κόλπος, το μέρος του σώματος ανάμεσα στους βραχίονες και το στήθος, το στήθος της γυναίκας
νασάν	χαρά σε
ομμάτι͜α	μάτια
ομοι͜άεις	ομοιάζεις, μοιάζεις
ρακόπον	(υποκορ.) αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī + -όπον
ρούξον	(προστ.) πέσε
σκοτούμαι	σκοτώνομαι
τερείς	κοιτάς
τέρεν	(προστ.) κοίταξε
τερώ	κοιτώ
τσ̌απράζι͜α	σταυρωτά, χιαστί, μτφ. (για μάτια) αλλήθωρα, (ενδυμ.) σταυρωτά αλυσιδωτά επιστήθια κοσμήματα	çapraz<çep+rāst
υεία	υγεία
χάτεψον	(προστ.) διώξε	atmak