Παρχάρ’

Προβολή Τραγουδιού

Καλλιτέχνες: Γιάννης Κουρτίδης, Κώστας Σιαμίδης

Χάιτε, ας πάμε σο παρχάρ’
μετ’ εμέν το παλληκάρ’
Τ’ αλογόπο μ’ γολγονίζ’,
η κεμεντζ̌έ μ’ κωδωνίζ’

Εγώ είμαι λυριτζ̌ής,
ποδεδίζω την κουτσ̌ή σ’
Έλα, δος ατέν εμέν,
θεία μ’, λελεύω την ψ̌η σ’

Εγώ είμαι σεβνταλής,
κουίζω σε και ’κι λαλείς
Εντώκα απάν’ σ’ ωμί σ’,
ωρι͜άσον πας εγκαλείς

Βέχω, βέχω, ξεροβέχω,
ση σεβντάν αποπίσ’ τρέχω
Η αρρώστια σ’ θα τρώει με,
εγώ θαρρώ τιδέν ’κ’ έχω

Έλα, ποδεδίζω σε,
πουλί μ’, τρώω τον Θεό σ’
Έλα, τιδέν ’κι επέμ’νεν,
την εγάπη σ’, γιαβρί μ’, δος

Γλωσσάρι

Κείμενο	Επεξήγηση	Ετυμ. Ρίζα
αλογόπο	αλογάκι
απάν’	πάνω
αποπίσ’	από πίσω
ατέν	αυτήν
βέχω	βήχω
γιαβρί	μωρό, μικρό, παιδί	yavru
γολγονίζ’	κουδουνίζει (εκ της κλαγγής των γολγονιών=κουδουνιών)
δος	δώσε
εγάπη	αγάπη
εγκαλείς	καταγγέλλεις, κατηγορείς, καταδίδεις
εντώκα	χτύπησα
επέμ’νεν	απόμεινε
’κ’	δεν	οὐκί<οὐχί
κεμεντζ̌έ	λύρα	kemençe/kemānçe
’κι	δεν	οὐκί<οὐχί
κουίζω	φωνάζω, λαλώ, καλώ κπ ονομαστικά
κουτσ̌ή	κόρη
κωδωνίζ’	κουδουνίζει
λαλείς	βγάζεις λαλιά, καλείς, αποκαλείς, προσκαλείς, οδηγείς
λελεύω	χαίρομαι
μετ’	μαζί με (με αιτιατική), με (τρόπος)
ξεροβέχω	ξεροβήχω
παρχάρ’	ορεινός τόπος θερινής βοσκής
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
σεβνταλής	ερωτοχτυπημένος, ερωτευμένος	sevdalı
σεβντάν	αγάπη, έρωτα	sevda/sevdā
τιδέν	τίποτα
χάιτε	άντε	haydi<hay de (οθωμ.)
ψ̌η	ψυχή
ωμί	ώμος, ώμο
ωρι͜άσον	(προστ.) πρόσεξε, φύλαξε, φυλάξου