Προβολή Τραγουδιού
Έτονε μαύρον ημέρα |
Το μεκατίρι μ’Στιχουργοί: Παρασκευή Κεντεποζίδου
Συνθέτες: Γιάννης Τσανασίδης
Καλλιτέχνες: Γιάννης Τσανασίδης, Νατάσα Τσακηρίδου
Έτονε τ’ Απρίλ’ ημέρα, ’φώταξεν ο ήλ’ τη γην Είδα σε, αρνί μ’, σην αύλι͜α σ’, έγκα σε απέσ’ σην ψ̌η μ’ ’Μάραντα και τσ̌ιτσ̌ακόπα γιαβρόπο μ’, ολόερα σ’ Έμορφα ασ’ όλι͜α, ψ̌ήκα μ’, έσανε τ’ ομματόπα σ’ Έτονε μαύρον ημέρα, θάλασσα εφούμιξεν Ο ουρανόν, μικρόν αρνόπο μ’, τα λίβι͜α ετσούμιξεν Άμον τον αετόν, μικρίκο μ’, σον Θεόν επέταξες και με την αροθυμία σ’ το καρδόπο μ’ έκαψες
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| απέσ’ | μέσα | ||
| αρνόπο | αρνάκι, χαϊδευτική προσφώνηση γυναίκας | ||
| αροθυμία | νοσταλγία | ||
| ασ’ | από | ||
| αύλι͜α | αυλή | ||
| γιαβρόπο | μωράκι, μικρούλι, παιδάκι | yavru + -όπον | |
| έγκα | έφερα | ||
| έμορφα | όμορφα | ||
| επέταξες | πέταξες | ||
| έσανε | ήταν | ||
| έτονε | ήταν | ||
| ετσούμιξεν | έστιψε, στράγγιξε | ||
| εφούμιξεν | θύμωσε, εξοργίστηκε | ||
| ήλ’ | ήλιου | ||
| καρδόπο | καρδούλα | ||
| λίβι͜α | σύννεφα | λίβος<λείβω | |
| ’μάραντα | (επιστ. Helichrysum stoechas) τα αγριολούλουδα ελίχρυσος ο πολύτιμος | ||
| ολόερα | ολόγυρα | ||
| ομματόπα | ματάκια | ||
| τσ̌ιτσ̌ακόπα | λουλουδάκια | çiçek | |
| ’φώταξεν | (εφώταξεν) φώτισε, έλαμψε | ||
| ψ̌η | ψυχή | ||
| ψ̌ήκα | ψυχούλα |
