Μ’ έναν κεμεντζέν

Προβολή Τραγουδιού

Καλλιτέχνες: Γιάννης Τσιτιρίδης, Μπάμπης Κεμανετζίδης

Μ’ έναν κεμεντζ̌έν σα χ̌έρι͜α
και μ’ έναν τοξάρ’
παίζ’ και τραγωδεί τα νύχτας
έναν παλληκάρ’

Κλώσ̌κεται σο καλυβόπον
τα χαράματα
και τελείται η τραγωδία
με τα κλάματα

Πάντα λέει έναν τραγωδίαν
τον κόσμον κλαινίζ’
και γομών’ τη νύχταν πόνον
και καρδίας σ̌κίζ’

Κλώσ̌κεται σο καλυβόπον
τα χαράματα
και τελείται η τραγωδία
με τα κλάματα

Παρακαλεί τον φέγγον
που όλι͜α ελέπ’ κι εξέρ’
την εγάπην που έχασεν
ξαν οπίσ’ να φέρ’

Κλώσ̌κεται σο καλυβόπον
τα χαράματα
και τελείται η τραγωδία
με τα κλάματα

Γλωσσάρι

Κείμενο	Επεξήγηση	Ετυμ. Ρίζα
γομών’	γεμίζω/ει
εγάπην	αγάπη
ελέπ’	βλέπει/βλέπω
εξέρ’	ξέρω/ει, γνωρίζω/ει
έχασεν	έχασε, έδιωξε, πέταξε κτ
καλυβόπον	καλυβάκι
καρδίας	(τη, γεν.) καρδιάς, (τα, ονομ. πληθ.) καρδιές
κεμεντζ̌έν	λύρα	kemençe/kemānçe
κλαινίζ’	στενοχωρώ/εί, κάνω/ει κπ να κλάψει
κλώσ̌κεται	γυρίζει, επιστρέφει
νύχτας	(ον.πληθ.,τα) νύχτες
ξαν	πάλι, ξανά
οπίσ’	πίσω
παίζ’	παίζω/παίζει
σ̌κίζ’	σκίζω/ει
τελείται	(αμτβ.) τελειώνει, εξαντλείται, μτφ. πεθαίνει
τοξάρ’	δοξάρι
τραγωδεί	τραγουδάει
τραγωδία	τραγούδι
τραγωδίαν	τραγούδι
φέγγον	φεγγάρι
φέρ’	φέρνω/ει