Προβολή Τραγουδιού
Μάνα, να ζεις χρόνια πολλά |
Μάνα, να ζεις χρόνια πολλάΣτιχουργοί: Βασίλης Μωυσιάδης
Συνθέτες: Μπάμπης Κεμανετζίδης
Καλλιτέχνες: Γιάννης Τσιτιρίδης, Μπάμπης Κεμανετζίδης
Όσο τρανός κι αν ’ίνεσαι το χρόνον δέβα μίαν την εορτήν τη μάνας ι-σ’ να μη ανασπάλτς καμίαν Μάνα, να ζεις χρόνια πολλά καλά κι ευτυχισμένα Ευχαριστώ ντ’ εγένεσσες κι ετράνυνες εμένα Μ’ έναν ευχ̌ήν κι έναν τσ̌ιτσ̌έκ’ δέβα σην εορτήν ατ’ς «Χρόνια πολλά» να λες ατεν χαρά γομώντς την ψ̌ην ατ’ς Μάνα, να ζεις χρόνια πολλά καλά κι ευτυχισμένα Ευχαριστώ ντ’ εγένεσσες κι ετράνυνες εμένα Χ̌ίλι͜α ευχάς θα παίρτς και φεύ’ς και χ̌ίλι͜α ευλοΐας γιατί τη μάνας η ευχ̌ή έν’ πάντα από καρδίας Μάνα, να ζεις χρόνια πολλά καλά κι ευτυχισμένα Ευχαριστώ ντ’ εγένεσσες κι ετράνυνες εμένα Να κλίσ̌κεσαι και να φιλείς με σέβασην το χ̌έρ’ν ατ’ς γιατί είσαι ση γην απάν’ η ψ̌η και το τσ̌ιέρ’ν ατ’ς Μάνα, να ζεις χρόνια πολλά καλά κι ευτυχισμένα Ευχαριστώ ντ’ εγένεσσες κι ετράνυνες εμένα
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ανασπάλτς | ξεχνάς | ||
| απάν’ | πάνω | ||
| ατεν | αυτήν | ||
| ατ’ς | αυτής, της | ||
| γομώντς | γεμίζεις | ||
| δέβα | (προστ.) πήγαινε | ||
| έν’ | είναι | ||
| ετράνυνες | μεγάλωσες, ανατράφηκες | τρανόω-ῶ | |
| ευλοΐας | (πληθ. τα) ευλογίας, ευλογίες | ||
| ευχάς | ευχές | ||
| ’ίνεσαι | γίνεσαι | ||
| καμίαν | ποτέ | ||
| καρδίας | (τη, γεν.) καρδιάς, (τα, ονομ. πληθ.) καρδιές | ||
| κλίσ̌κεσαι | σκύβεις, κλίνεις | ||
| μίαν | μια φορά | ||
| παίρτς | παίρνεις | ||
| πολλά | (επίθ.) πολλά, (επίρρ.) πολύ | ||
| σέβασην | σεβασμό | ||
| τσ̌ιέρ’ν | σπλάχνο, σωθικό | ciğer/ciger | |
| τσ̌ιτσ̌έκ’ | λουλούδι | çiçek | |
| φεύ’ς | φεύγεις | ||
| φιλείς | φιλάς | ||
| χ̌έρ’ν | χέρι | ||
| ψ̌η | ψυχή | ||
| ψ̌ην | ψυχή |
