Τραντάφυλλον όντες κρατώ

Προβολή Τραγουδιού

Καλλιτέχνες: Κώστας Πουτακίδης, Σταύρος Ιωαννίδης, Χάρης Αθανασιάδης

Τραντάφυλλον όντες κρατώ
εσέν πάντα θυμούμαι
και το παράπονο μ’ τρανόν
χώρι͜α γιατί να ζούμε;

Μίαν να εκλώσκουσ’νε, πουλί μ’,
κι έστεκα σο μπαλκόνι
Εσέν θ’ εκαλωσόριζα
άνοιξης χελιδόνι

Τα στράτας έχ’νε γυρισμόν
έπαρ’ τ’ έναν κι έλα
Πουλόπο μ’, την εγάπ’ τ’ εσόν
άμον νερόπον θέλ’ α’

Μίαν να εκλώσκουσ’νε, πουλί μ’,
κι έστεκα σο μπαλκόνι
Εσέν θ’ εκαλωσόριζα
άνοιξης χελιδόνι

Τ’ ομμάτι͜α μ’ σα στράτας, πουλί μ’,
για τ’ εσέν απομέν’νε
Πόρτα κι εγκάλιαν ανοιχτά
εσέναν αναμέν’νε

Μίαν να εκλώσκουσ’νε, πουλί μ’,
κι έστεκα σο μπαλκόνι
Εσέν θ’ εκαλωσόριζα
άνοιξης χελιδόνι

Μίαν να εκλώσκουσ’νε, πουλί μ’,
κι έστεκα σο μπαλκόνι
Εσέν θ’ εκαλωσόριζα
άνοιξης χελιδόνι

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
άμον	σαν, όπως, καθώς	ἅμα
αναμέν’νε	περιμένουν, αναμένουν
απομέν’νε	απομένουν
εγάπ’	αγάπη
εγκάλιαν	(αιτ.) αγκαλιά
εκλώσκουσ’νε	γυρνούσες, επέστρεφες
έπαρ’	(προστ.) πάρε
εσόν	δικός/ή/ό σου
έχ’νε	έχουνε
θυμούμαι	θυμάμαι
μίαν	μια φορά
νερόπον	νεράκι
ομμάτι͜α	μάτια
όντες	όταν
πουλόπο	πουλάκι
στράτας	(ονομ.) δρόμοι, (αιτ.) δρόμους
τραντάφυλλον	τριαντάφυλλο
χώρι͜α	χωριστά