Ποντιακός Στίχος

Προβολή Τραγουδιού

Φιλώ τα χ̌είλι͜α σ’ τ’ έμνοστα

Θεέ μ’, την στράταν δείξον μεΘεέ μ’, την στράταν δείξον με

Στιχουργοί: Αγγελική Παμπουκίδου

Συνθέτες: Μπάμπης Κεμανετζίδης

Καλλιτέχνες: Μπάμπης Κεμανετζίδης, Στάθης Νικολαΐδης


Πουλί μ’, τ’ ομμάτι͜α σ’  τ’ έμορφα
Θεού είν’ ζωγραφία
Θαρρείς τ’ εμόν η θάλασσα
απέσ’ θα ρούζω μίαν

Φιλώ τα χ̌είλι͜α σ’ τ’ έμνοστα
και ’ίνεται έναν θάμαν
Σον ουρανόν ευρίγουμαι
με τοι αγγέλτς εντάμαν

Τα μαλλόπα σ’ σον άνεμον
στάχ̌υα ντο κυματίζ’νε
κι άμον ανοιξιζ’νόν πουρνόν
πουλόπο μ’, σκουντουλίζ’νε

Φιλώ τα χ̌είλι͜α σ’ τ’ έμνοστα
και ’ίνεται έναν θάμαν
Σον ουρανόν ευρίγουμαι
με τοι αγγέλτς εντάμαν

Η εγκάλια σ’ παράδεισον
άνοιξον ας εμπαίνω
Κλείδα με, χάσον τ’ ανοιγάρ’
καμίαν να μ’ εβγαίνω

Φιλώ τα χ̌είλι͜α σ’ τ’ έμνοστα
και ’ίνεται έναν θάμαν
Σον ουρανόν ευρίγουμαι
με τοι αγγέλτς εντάμαν
Γλωσσάρι
ΚείμενοΕπεξήγησηΕτυμ. ΡίζαΠροέλευση
αγγέλτςαγγέλους
άμονσαν, όπως, καθώς
ανοιγάρ’κλειδί
ανοιξιζ’νόνανοιξιάτικο
άνοιξονάνοιξε (προστ.)
απέσ’μέσα
εγκάλιααγκαλιά
είν’είναι (για πληθ.)
έμνοστανόστιμα
εμόνδικός/ή/ό μου ἐμοῦ
έμορφαόμορφα
εντάμανμαζί
ευρίγουμαιβρίσκομαι
θάμανθαύμα
’ίνεταιγίνεται
καμίανποτέ
κλείδακλείδωσε, κλείσε (προστ.)
μαλλόπαμαλλάκια
μίανμια φορά
ομμάτι͜αμάτια
πουλόποπουλάκι
πουρνόνπρωί, πρωινό, επαύριον
ρούζωπέφτω, ρίπτω
σκουντουλίζ’νεευωδιάζουν, μοσχοβολούν
τοιτους/τις
χάσονχάσε, διώξε (προστ.)
Σημειώσεις
Φωνητικά: Κική Σαββίδου

Ποντιακός Στίχος - Pontian Lyrics 2024

Τραγούδια: 7825 | Albums/Singles: 1118 | Συντελεστές: 1525 | Λήμματα: 12581
Επικοινωνία: infoDUMMY@pontianlyrics.gr