Προβολή Τραγουδιού
Αρχοντοπαίδ’ |
Θεέ μ’, την στράταν δείξον μεΣτιχουργοί: Βασίλης Μωυσιάδης
Συνθέτες: Γιώργος Κεμανετζίδης
Καλλιτέχνες: Μπάμπης Κεμανετζίδης, Στάθης Νικολαΐδης
Αρχοντοπαίδ’ οσήμερον γαμπρόν σ’ οσπίτ’ φορίζ’νε και τραγωδίας τη χαράς οι φίλ’ σ’ ατόν χαρίζ’νε Αρχοντοπαίδ’ παντρεύκεται κι έμπρι͜α η περιστέρα σύρ’ τον χορόν και -ν- έλαμψεν ο κόσμον πέρα ως πέρα σύρ’ τον χορόν και -ν- έλαμψεν του ουρανού το πέραν Άμον τον φέγγον ο γαμπρόν με λώματα λαγάρι͜α Γιοσμάς έν’ και τελικανλής κι άστρα τα παλληκάρι͜α Αρχοντοπαίδ’ παντρεύκεται κι έμπρι͜α η περιστέρα σύρ’ τον χορόν και -ν- έλαμψεν ο κόσμον πέρα ως πέρα σύρ’ τον χορόν και -ν- έλαμψεν του ουρανού το πέραν Γαμπρέ, τερούν τα γονι͜ακά σ’ την υπερηφανεία σ’, Δάκρυ͜α γομώντς τ’ ομματόπα και σ̌κί͜εις ματώντς καρδίας Αρχοντοπαίδ’ παντρεύκεται κι έμπρι͜α η περιστέρα σύρ’ τον χορόν και -ν- έλαμψεν ο κόσμον πέρα ως πέρα σύρ’ τον χορόν και -ν- έλαμψεν του ουρανού το πέραν Με το αλὰι πάει ο αητόν τσ̌ιτσ̌έκια έχ̌’ σα χ̌έρι͜α τ’ Παίζ’ το κλαρίνον τ’ αχπαστόν και πάν’ σην περιστέραν Αρχοντοπαίδ’ παντρεύκεται κι έμπρι͜α η περιστέρα σύρ’ τον χορόν και -ν- έλαμψεν ο κόσμον πέρα ως πέρα σύρ’ τον χορόν και -ν- έλαμψεν του ουρανού το πέραν Εβγαίν’ η νύφε έμορφος σην αύλι͜αν ν’ ανταμούνταν, Η Πούλια κι ο Αυγερινόν πάνε να στεφανούνταν Αρχοντοπαίδ’ παντρεύκεται κι έμπρι͜α η περιστέρα σύρ’ τον χορόν και -ν- έλαμψεν ο κόσμον πέρα ως πέρα σύρ’ τον χορόν και -ν- έλαμψεν του ουρανού το πέραν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αλὰι | πομπή (γαμήλια), συνοδεία, ακολουθία | alay<ἀλλάγι/ἀλλάι<αλλάγιον<ἀλλάσσω | |
| άμον | σαν, όπως, καθώς | ἅμα | |
| ανταμούνταν | ανταμώνουν | ||
| αύλι͜αν | αυλή | ||
| αχπαστόν | χορός του γάμου | αχπάσκουμαι: αναχωρώ, φεύγω, κινώ για | |
| γιοσμάς | κομψός, λεβέντης νέος | yosma | |
| γομώντς | γεμίζεις | ||
| γονι͜ακά | γονείς | ||
| εβγαίν’ | βγαίνει | ||
| έμορφος | όμορφος/η | ||
| έμπρι͜α | μπροστά | ||
| έν’ | είναι | ||
| έχ̌’ | έχει | ||
| καρδίας | (τη, γεν.) καρδιάς, (τα, ονομ. πληθ.) καρδιές | ||
| λώματα | ρούχα | λῶμα/λωμάτιον | |
| ματώντς | ματώνεις | ||
| νύφε | νύφη | ||
| ομματόπα | ματάκια | ||
| οσήμερον | σήμερα | ||
| οσπίτ’ | σπίτι | hospitium<hospes | |
| παίζ’ | παίζω/παίζει | ||
| παντρεύκεται | παντρεύεται | ||
| σ̌κί͜εις | σκίζεις | ||
| στεφανούνταν | στεφανώνονται | ||
| σύρ’ | σύρω/ει, τραβάω/ει, ρίχνω/ει | ||
| τελικανλής | νέος, λεβέντης | delikanlı | |
| τερούν | κοιτούν | ||
| τραγωδίας | τραγούδια | ||
| τσ̌ιτσ̌έκια | λουλούδια | çiçek | |
| φέγγον | φεγγάρι | ||
| φίλ’ | (προστ. φιλώ) φίλα, (πληθ. φίλον) φίλοι | ||
| φορίζ’νε | ντύνουν | ||
| χαρίζ’νε | χαρίζουν |
Φωνητικά: Χριστίνα Κεμανετζίδου
