Προβολή Τραγουδιού
Η ζιπούνα τ’ς έχ̌’ πλουμία |
ΚιμιγιάνΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Γιάννης Τσανασίδης, Γιώργος Σοφιανίδης
Εποίκες με, πουλόπο μου, απέσ’ σ’ ορμάν’ επέμ’να Φυλλόπον εχαρχάριζεν, εσέναν ενεμένα Η ζιπούνα τ’ς έν’ λογάδι͜α Θα φέρ’ νερόν και πλύν’ α̤το ασ’ όλια τα πεγάδι͜α Η ζιπούνα τ’ς έχ̌’ πλουμία Θα φέρ’ νερόν και πλύν’ α̤το ασ’ όλια τα ορμία Ασπρόν ζιπούναν ’κ’ εφορείς ας σο ντ’ εξέρτς πολλά -ι Δέντς το λετσ̌έκ’ σ’ περήφανα το σπαρέλ’ σ’ χαμελά -ι Η ζιπούνα τ’ς έν’ λογάδι͜α Θα φέρ’ νερόν και πλύν’ α̤το ασ’ όλια τα πεγάδι͜α Η ζιπούνα τ’ς έχ̌’ πλουμία Θα φέρ’ νερόν και πλύν’ α̤το ασ’ όλια τα ορμία [ψ̌η μ’] Άσπρα φορείς, άσπρα αναλλά͜εις, άσπρον η φορεσία σ’, άσπρα τσ̌ιτσ̌άκια ’κχ̌ύουνταν ας σην πορπατεσία σ’ Η ζιπούνα τ’ς έν’ λογάδι͜α Θα φέρ’ νερόν και πλύν’ α̤το ασ’ όλια τα πεγάδι͜α Η ζιπούνα τ’ς έχ̌’ πλουμία Θα φέρ’ νερόν και πλύν’ α̤το ασ’ όλια τα ορμία
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αναλλά͜εις | φοράς τα καλά/γιορτινά σου ρούχα | ||
| απέσ’ | μέσα | ||
| ας σην | απ’ την | ασό σην (από την) | |
| ας σο | απ’ το | ασό σο (από το) | |
| ασ’ | από | ||
| δέντς | δένεις | ||
| έν’ | είναι | ||
| ενεμένα | περίμενα, ανέμενα | ||
| εξέρτς | ξέρεις, γνωρίζεις | ||
| επέμ’να | απόμεινα | ||
| εποίκες | έκανες, έφτιαξες | ποιέω-ῶ | |
| έχ̌’ | έχει | ||
| εχαρχάριζεν | θρόιζε | ||
| ζιπούνα | μακρύ μανικωτό φόρεμα χωρίς ραφή στους ώμους | ζιπούνι(ν)<zipon (βενετ.) | |
| ζιπούναν | μακρύ μανικωτό φόρεμα χωρίς ραφή στους ώμους | ζιπούνι(ν)<zipon (βενετ.) | |
| ’κ’ | δεν | οὐκί<οὐχί | |
| ’κχ̌ύουνταν | εκχύνονται, χύνονται, εκρέουν | εκχύνω<ἐγχέω< ἐν + χέω | |
| λετσ̌έκ’ | γυναικείο μαντίλι που χρησίμευε ως κάλυμμα κεφαλής δεμένο σε σχήμα τριγώνου | leçek<laçak | |
| λογάδι͜α | ποικίλματα, διακοσμητικά σχέδια σε πλεκτό, υφαντό ή ρούχο, σύνολο τιμαλφών κοσμημάτων | ||
| όλια | όλα | ||
| ορμάν’ | δάσος | orman | |
| ορμία | ρυάκια, ρεματιές | ||
| πεγάδι͜α | βρύσες | ||
| πλουμία | κεντητά ή ζωγραφιστά διακοσμητικά σχέδια, μτφ. στολίδια | pluma | |
| πλύν’ | πλένω/ει | ||
| πολλά | (επίθ.) πολλά, (επίρρ.) πολύ | ||
| πορπατεσία | περπατησιά, περπάτημα | ||
| πουλόπο | πουλάκι | ||
| σπαρέλ’ | μέρος γυναικείας ενδυμασίας αυτοτελές που χρησιμεύει ως κάλυμμα του στήθους | spalliera | |
| τσ̌ιτσ̌άκια | λουλούδια | çiçek | |
| φέρ’ | φέρνω/ει | ||
| φορείς | φοράς | ||
| φορεσία | φορεσιά, ένδυση | ||
| φυλλόπον | φυλλαράκι | ||
| χαμελά | χαμηλά | ||
| ψ̌η | ψυχή |
