Τάμαν

Προβολή Τραγουδιού

Καλλιτέχνες: Μπάμπης Κεμανετζίδης, Στάθης Πορφυρίδης

Εκαπατεύτα ας ση σεβντά σ’,
η καρδι͜ά μ’ εμανίεν
Καίουμαι και βρουλίουμαι
το ψ̌όπο μου ελύεν

Τάμαν εποίκα σον Θεόν
ση Σουμελάς τη χάρην
Εγώ κι εσύ, πουλόπο μου,
να ’ίνουμες ζευγάρι

Όλια εμέν κι αν δίν’νε με,
σ’ ομμάτι͜α μ’ είν’ χοχόλια
Ασ’ τ’ έν’ τ’ αρνόπο μ’ μετ’ εμέν
ατότε έχ’ ατα όλια

Τάμαν εποίκα σον Θεόν
ση Σουμελάς τη χάρην
Εγώ κι εσύ, πουλόπο μου,
να ’ίνουμες ζευγάρι

Μανουσ̌ακόπα θ’ έχω σε,
τισ̌άκ’ για να κοιμάσαι
’μάραντα και τραντάφυλλα
γεργάν’ για να σ̌κεπά͜ει σε

Τάμαν εποίκα σον Θεόν
ση Σουμελάς τη χάρην
Εγώ κι εσύ, πουλόπο μου,
να ’ίνουμες ζευγάρι

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
ασ’	από
ατα	αυτά
ατότε	τότε
βρουλίουμαι	φλέγομαι, καίγομαι	brûler
γεργάν’	πάπλωμα	yorgan
δίν’νε	δίνουν
είν’	(για πληθ.) είναι
εκαπατεύτα	σκεπάστηκα, καλύφθηκα, κλείστηκα σε κτ	kapatmak
ελύεν	λύθηκε, έλιωσε
εμανίεν	μαύρισε/μουντζουρώθηκε από την καπνιά, καταστράφηκε, κατακάηκε μέχρι καπνιάς
έν’	είναι
εποίκα	έκανα, έφτιαξα	ποιέω-ῶ
’ίνουμες	γινόμαστε
καίουμαι	καίγομαι
μανουσ̌ακόπα	μενεξέδες/βιολέτες	մանուշակ (manušak)<manafšak
’μάραντα	(επιστ. Helichrysum stoechas) τα αγριολούλουδα ελίχρυσος ο πολύτιμος
μετ’	μαζί με (με αιτιατική), με (τρόπος)
όλια	όλα
ομμάτι͜α	μάτια
πουλόπο	πουλάκι
σεβντά	αγάπη, έρωτας	sevda/sevdā
σ̌κεπά͜ει	σκεπάζει
τισ̌άκ’	στρώμα, κρεβάτι	döşek
τραντάφυλλα	τριαντάφυλλα
χοχόλια	σκουπίδια
ψ̌όπο	ψυχούλα