Προβολή Τραγουδιού

Horon

Καλλιτέχνες: Γιάννης Καμπάς, Νίκος Σιδηρόπουλος, Χρήστος Ασλανίδης, Χρήστος Καλιοντζίδης

Τόνυαλης κεμεντζ̌ετζ̌ής
σα χορόντας τσαλιμτσ̌ής
Παίζ’ τογρία κατενά
και σο ζιλ και σο καπάν
Ολόερα ας σο μεϊντάν’
εσ’κώθανε σο ποδάρ’

Κι απ’ ακεί ο ταουλτσ̌ής!
Το κοπάλ’ τρομάζ’ την γην!
Σα χαράντας και σα πόνι͜α
κρούει απάν’ σον χορόν
κι αέτσ’ έρ’ται ξαν και πάει
τη Τόνυας το τρομαχτόν

Έχ̌’ κι έρ’ται ο τουλουμτσ̌ής,
Μάτσ̌καλης πολλά τογρής
Το τσιμπόν’ ατ’ κωδωνίζ
και το πόστ’ν ατ’ φτιλακίζ’
κι όντες σκαλών’ σον χορόν
τα κορτσόπα τυρι͜αννίζ’

Κορτσόπα και παλληκάρι͜α
τέκια είναι και ζευγάρι͜α
Ους σον πουρνόν πα ταγιανίζ’νε
τ’ ομμματόπα τουν υλίζ’νε
και η σεβντά το τρανόν,
απομέν’ το υστερνόν

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
ακεί	εκεί
απάν’	πάνω
απομέν’	απομένει
έρ’ται	έρχεται
εσ’κώθανε	σηκώθηκαν
έχ̌’	έχει
έχ̌’ κι έρ’ται	είναι στον ερχομό, έρχεται
ζιλ	οι ψιλά κουρδισμένες χορδές της λύρας, το οξύφωνα κουρδισμένο όργανο	zil
καπάν	οι μπάσα κουρδισμένες χορδές της λύρας
κατενά	καθαρά, ξεπλυμένα, ξεθολωμένα	κατανίζω
κεμεντζ̌ετζ̌ής	λυράρης	kemençeci
κορτσόπα	κοριτσάκια
κρούει	χτυπάει
μεϊντάν’	πλατεία, αλάνα	meydan/meydān
ξαν	πάλι, ξανά
ολόερα	ολόγυρα
όντες	όταν
ους	ως, μέχρι
πα	πάλι, επίσης
ποδάρ’	πόδι
πολλά	πολλά (επίθ.), πολύ (επίρ.)
πόνι͜α	πόνοι
πόστ’ν	δέρμα	post/pūst
πουρνόν	πρωί, πρωινό, επαύριον
σεβντά	αγάπη, έρωτας	sevda/sevdā
σκαλών’	αρχινώ/ά, ξεκινώ/άει, εκκινώ/εί ένα έργο/δουλειά
τέκια	στριφώματα	etek
τογρής	ευθύς, έντιμος, ακέραιος	doğru
τογρία	αληθινά, ίσια, ευθεία, σωστά	doğru
τουν	τους
τρομάζ’	τρέμει
τρομαχτόν	ονομασία ποντιακού χορού
υλίζ’νε	καταστάζουν
υστερνόν	κατοπινό, τελευταίο, στερνό
φτιλακίζ’	σπαρταρά, πάλλεται γρήγορα
χαράντας	χαρές, γάμοι
χορόντας	χοροί (ονομ. τα), χορούς (αιτ.)