Προβολή Τραγουδιού

Λεγνή μ’, πολλά λεγνέσσα

Καλλιτέχνες: Γιάννης Τσανασίδης, Κώστας Θεοδοσιάδης

Εσέν πουλί μ’ εγέννεσεν
[Λεγνή μ’, πολλά λεγνέσσα]
ποϊλίσσα ακριτομάνα
[Πώς κοιμάσαι μαναχ̌έσσα;]
Εσέν γάλαν εβύζαξεν
[Λεγνή μ’, πολλά λεγνέσσα]
Μάτσ’κας παρχαρομάνα
[Πώς κοιμάσαι μαναχ̌έσσα;]

Λεγνή μ’, λεγνή μ’,
λεγνή μ’, πολλά λεγνέσσα
Λεγνή μ’, πολλά λεγνέσσα
πώς κοιμάσαι μαναχ̌έσσα;
Τσ̌ούζω σε και πονώ σε
και ντο είσαι ορφανέσσα

Το πόι σ’ ακριτόκαστρον,
[Λεγνή μ’, πολλά λεγνέσσα]
τσ̌αλίκια τα ποδάρι͜α
[Πώς κοιμάσαι μαναχ̌έσσα;]
Τα χ̌ερόπα σ’ χρυσόσπαθα,
[Λεγνή μ’, πολλά λεγνέσσα]
’μάτι͜α μαργαριτάρι͜α
[Πώς κοιμάσαι μαναχ̌έσσα;]

Λεγνή μ’, λεγνή μ’,
λεγνή μ’ κι άμον τσατσίν
Ο χρόνον δώδεκα μήνας
εσύ στούδ’ και πετσίν

Τα μύρας -ι- σ’ σύρ’νε, πουλί μ’,
[Λεγνή μ’, πολλά λεγνέσσα]
τη Παναΐας δάκρυ͜α
[Πώς κοιμάσαι μαναχ̌έσσα;]
Μυρίσκουμ’ ατα, ανασπάλλω
[Λεγνή μ’, πολλά λεγνέσσα]
τη καρδι͜άς ι-μ’ τα τέρτι͜α
[Πώς κοιμάσαι μαναχ̌έσσα;]

Λεγνή μ’, λεγνή μ’,
λεγνή μ’, πολλά λεγνέσσα
Λεγνή μ’, πολλά λεγνέσσα
πώς κοιμάσαι μαναχ̌έσσα;
Τσ̌ούζω σε και πονώ σε
και ντο είσαι ορφανέσσα

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς
ανασπάλλω	ξεχνώ
ατα	αυτά
εβύζαξεν	βύζαξε, θήλασε
εγέννεσεν	γέννησε
λεγνέσσα	λιγνή, λιπόσαρκη
λεγνή	λιγνή, λιπόσαρκη
μαναχ̌έσσα	μονάχη
μύρας	μυρωδιές
ορφανέσσα	ορφανή
Παναΐας δάκρυ͜α	το φυτό Αμάραντος (Ελίχρυσος ο πολύτιμος)
παρχαρομάνα	γυναίκα που ήταν επιφορτισμένη με τις δουλειές του παρχαριού, ορεινού τόπου θερινής βοσκής
ποδάρι͜α	πόδια
πόι	ύψος, μπόι	boy
ποϊλίσσα	ψηλή	boylu
πολλά	πολλά (επίθ.), πολύ (επίρ.)
στούδ’	κόκκαλο	ὀστοῦν~οστούδιον
σύρ’νε	σέρνουν, τραβούν, ρίχνουν
τέρτι͜α	καημοί, βάσανα, στενοχώριες	dert
τσ̌αλίκια	χαλύβδινα	çelik
τσατσίν	ξερόκλαδο θάμνου, φρύγανο
τσ̌ούζω	λυπάμαι, συμπονώ	σίζω
χ̌ερόπα	χεράκια