Προβολή Τραγουδιού

Κοσσάρας τοπλαεύ’νε

Καλλιτέχνες: Κώστας Θεοδοσιάδης, Φάνης Κουρουκλίδης

[Και -ν-] Η χαρά προτού τελέν’¹
κοσσάρας τοπλαεύ’νε [γιαρ]
Πίν’νε ρακίν και τραγωδούν
το Κοτσ̌αγγέλ’ χορεύ’νε [γιαρ]

[Και -ν-] Απ’ αδά και απ’ ακεί
αδέλφι͜α και ξαδέλφι͜α [γιαρ]
Σ’ οσπίτι͜α τουν ’κι κλώσκουνταν
λύρα, νταούλ’ και κέφι͜α [γιαρ]

Με τα συμπαίδι͜α τ’ ο γαμπρόν
τρών’, πίν’νε και μεθύν’νε [γιαρ]
Νερόν ντο έν’ ενέσπαλαν
ρακίν μαναχόν πίν’νε [γιαρ]

[Εχ!] Αέτσ’ είναι τα έθιμα
σουμώστεν, μη τερείτεν [γιαρ]
Τ’ αδέλφι͜α έχ’νε φαγοπότ’
η χαρά ’κι τελείται [γιαρ]

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
αέτσ’	έτσι
ακεί	εκεί
γιαρ	αγαπητός/ή/ό, αγάπη	yâr
έν’	είναι
ενέσπαλαν	ξέχασαν
έχ’νε	έχουνε
’κι	δεν	ουκί<οὐχί
κλώσκουνταν	γυρίζουν, επιστρέφουν
κοσσάρας	κότες (πληθ.), κότας (γεν.), οι κλώσσες (ιδιωμ.Νικόπολης)
μαναχόν	μοναχός (έναρθρο), μοναχό, μόνο/μοναχά (επίρρ)
μεθύν’νε	μεθάνε
νταούλ’	νταούλι	davul/ṭabl
οσπίτι͜α	σπίτια	hospitium<hospes
πίν’νε	πίνουν
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
συμπαίδι͜α	συνομήλικοι
τελείται	(αμτβ.) τελειώνει, εξαντλείται, μτφ. πεθαίνει
τελέν’	τελειώνω/ει κτ (μεταβ.)
τοπλαεύ’νε	μαζεύουν, συγκεντρώνουν	toplamak
τουν	τους
τραγωδούν	τραγουδάνε
χορεύ’νε	χορεύουν

Σημειώσεις

¹ Ορθότερη χρήση της παθητικής «τελείται» αντί του «τελέν’». Στην νεοελληνική η απόδοση είναι και στα δύο τελειώνει (μεταβατικό/αμετάβατο)