Καίγουμαι, βρουλίζω

Προβολή Τραγουδιού

Καλλιτέχνες: Βαγγέλης Ιντζεβίδης, Κώστας Σιώπης

Αμάν!
Στέκω αφκά σο παραθύρι σ’
και τερώ - και τερώ
Να ελέπω τ’ ομματόπα σ’
εγώ ντ’ αγαπώ, γιάβρι μ’
’ίνουμαι γουρπάνι σ’!
Καίγουμαι, βρουλίζω
πώς να ταγιανίζω;
Για τ’ εσά τ’ ομμάτι͜α
’ίνουμαι κομμάτι͜α

Αμάν!
Η γερὰ ντο ’κι λαρούται
φαρμακών’ - φαρμακών’
και το πρώτον η εγάπη
σην καρδι͜ά ριζών’, γιάβρι μ’
’ίνουμαι γουρπάνι σ’
Καίγουμαι, βρουλίζω
πώς να ταγιανίζω;
Για τ’ εσά τ’ ομμάτι͜α
’ίνουμαι κομμάτι͜α

Ωφ! Ωφ!
Αγαπάς, ξάι ’κι κοιμάσαι
ούτε τρως - ούτε τρως
Λάσ̌κεσαι σα ερημίας
άμον παλαλός, γιάβρι μ’
’ίνουμαι γουρπάνι σ’!
Καίγουμαι, βρουλίζω
πώς να ταγιανίζω;
Για τ’ εσά τ’ ομμάτι͜α
’ίνουμαι κομμάτι͜α

Αμάν!
Εγάπ’ δίκοπον μαχ̌αίρ’ έν’
τογραεύ’ - τογραεύ’
Δάκρυ͜α, τέρτι͜α σα καρδίας
φέρ’ και τοπλαεύ’, γιάβρι μ’
’ίνουμαι γουρπάνι σ’!
Καίγουμαι, βρουλίζω
πώς να ταγιανίζω;
Για τ’ εσά τ’ ομμάτι͜α
’ίνουμαι κομμάτι͜α

Αμάν!
Με κλαρίνα και νταούλια
Κόνιαλι - Κόνιαλι
Θα χορεύ’ τ’ εμόν τ’ αρνόπον
τ’ εμόν το πουλίν, γιάβρι μ’
’ίνουμαι γουρπάνι σ’!
Καίγουμαι, βρουλίζω
πώς να ταγιανίζω;
Για τ’ εσά τ’ ομμάτι͜α
’ίνουμαι κομμάτι͜α

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αρνόπον	αρνάκι, χαϊδευτική προσφώνηση γυναίκας
αφκά	κάτω
βρουλίζω	φλέγομαι, καίγομαι	brûler
γερὰ	πληγή, τραύμα	yara
γιάβρι	μωρό, μικρό, παιδί	yavru
γουρπάνι	θυσία	kurban/ḳurbān
εγάπ’	αγάπη
εγάπη	αγάπη
ελέπω	βλέπω
εμόν	δικός/ή/ό μου	ἐμοῦ
έν’	είναι
ερημίας	ερημιές
εσά	δικά σου/σας
’ίνουμαι	γίνομαι
καίγουμαι	καίομαι
καρδίας	(τη, γεν.) καρδιάς, (τα, ονομ. πληθ.) καρδιές
’κι	δεν	οὐκί<οὐχί
λαρούται	γιατρεύεται, θεραπεύεται
λάσ̌κεσαι	περιφέρεσαι, τριγυρνάς, περιπλανιέσαι	ἀλάομαι/ηλάσκω
μαχ̌αίρ’	μαχαίρι
ξάι	καθόλου
ομμάτι͜α	μάτια
ομματόπα	ματάκια
παλαλός	τρελός, ανόητος
ριζών’	ριζώνει
ταγιανίζω	αντέχω, βαστάω, υπομένω	dayanmak
τέρτι͜α	καημοί, βάσανα, στενοχώριες	dert
τερώ	κοιτώ
τογραεύ’	κομματιάζει	doğramak
τοπλαεύ’	μαζεύω/ει, συγκεντρώνω/ει	toplamak
φέρ’	φέρνω/ει
χορεύ’	χορεύω/ει