Παίζω κεμεντζέν

Προβολή Τραγουδιού

Και μικρόν, μικρόν, μικρέσσα
έλα μετ’ εμέν
Άφ’ς τη μάνα σ’ και τον κύρη σ’
κι έλα μετ’ εμέν
Άφ’ς τη μάνα σ’ και τον κύρη σ’,
παίζω κεμεντζ̌έν

Άκ’σον α’ καλά ντο λέγω
’κ’ είμαι απ’ εκείντς
Άλλα λένε κι άλλα ’φτάνε
κι επεκεί δα̤κρύ͜εις
Άλλα λένε κι άλλα ’φτάνε
κι επεκεί δα̤κρύ͜εις
είμαι λυριτσ̌ής

Σίτα̤ παίζω εγώ τη λύραν
εσύ θα χορεύ’ς
Μη ακούς πολλά ντο λένε
σύρον έμπρι͜α κέσ’

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
άκ’σον	(προστ.) άκουσε
άφ’ς	(προστ.) άφησε
δα̤κρύ͜εις	δακρύζεις
εκείντς	εκείνους
έμπρι͜α	μπροστά
επεκεί	από εκεί, από τότε, ύστερα, κατόπιν
’κ’	δεν	οὐκί<οὐχί
κεμεντζ̌έν	λύρα	kemençe/kemānçe
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
μετ’	μαζί με (με αιτιατική), με (τρόπος)
μικρέσσα	μικρή, νεαρή
πολλά	(επίθ.) πολλά, (επίρρ.) πολύ
σίτα̤	καθώς, ενώ	σόταν<εις όταν
σύρον	(προστ.) σύρε, τράβα, ρίξε
’φτάνε	(ευτάνε) κάνουν, φτιάχνουν	εὐθειάζω
χορεύ’ς	χορεύεις

Προβολή Τραγουδιού

Παίζω κεμεντζ̌έν