Πόσα ομμάτια τη κοσμί’

Προβολή Τραγουδιού

[Εχ! Και] Πόσα ομμάτι͜α τη κοσμί’
αντάμωσην περ’μέν’νε;
Και πόσα σο παράθυρον
οξ̌ουκά -ν- απομέν’νε;

Ο ήλεν όντες βασιλεύ’
ατού σα μαύρα τα ξένα
Η μάνα κλαίει για το παιδίν
κι εγάπε σ’ για τ’ εσέναν

Κανείται ντ’ εγαζάνεψες,
ξένε μ’, ξενιτεμένε μ’
Σ’ ομμάτι͜α ’κι φαίν’ντανε
τα χρόνι͜α ντο δα̤βαίν’νε

Γλωσσάρι

Κείμενο	Επεξήγηση	Ετυμ. Ρίζα
απομέν’νε	απομένουν
ατού	εκεί (σε τόπο ή σημείο που βρίσκεται σε κάποιο απόσταση)
δα̤βαίν’νε	(για τόπο) περνούν, διασχίζουν, (για χρόνο) περνούν (γενικότερα) περνούν, παύουν, τελειώνουν	διαβαίνω
εγαζάνεψες	κέρδισες, απέκτησες πλούτο	kazanmak
εγάπε	αγάπη
ήλεν	ήλιος/ήλιο
κανείται	φτάνει, είναι αρκετό
’κι	δεν	οὐκί<οὐχί
κοσμί’	κόσμου
ομμάτι͜α	μάτια
όντες	όταν
οξ̌ουκά	έξω
περ’μέν’νε	περιμένουν
φαίν’ντανε	φαίνονται