Έφυεν ’μακροπέταξεν

Προβολή Τραγουδιού

Καλλιτέχνες: Αντώνης Πηλαλίδης, Δημήτρης Ξενιτόπουλος

Τσ̌οτίν έτονε η ζωή
γομάτον σα ποράνι͜α
Κι άλλον καλλίον ας σην γην
ψηλά σα επουράνι͜α

Έφυεν ’μακροπέταξεν
ση καμονής τη μέσεν,
Κι ας σο ραχ̌ίν π’ εδείσωσεν
έναν λαλίαν έκ’σεν

Αν έν’ φαρμάκ’ θα έλεγα
να ρούζ’ ας σα δα̤κρόπα σ’,
Κι αν έν’ σ̌εκέρ’ ας έρ’ται παίρ’
το τέρτ’ ας σ’ ομματόπα σ’

Πατέρα, έναν να εξέρτς
ανάσπαλτον ιδέα σ’,
Κι όθεν πατώ κι ευρίουμαι
ελέπω την θωρέα σ’

Γλωσσάρι

Κείμενο	Επεξήγηση	Ετυμ. Ρίζα
ανάσπαλτον	αλησμόνητο/η, αξέχαστο/η
ας σ’	(ας σου) από του, από τότε που/αφότου, (ας σο) από το/τα
ας σα	απ’ τα	ασό σα (από τα)
ας σην	απ’ την	ασό σην (από την)
ας σο	απ’ το	ασό σο (από το)
γομάτον	γεμάτο/η
δα̤κρόπα	(υποκορ.) δάκρυα
εδείσωσεν	καλύφθηκε από ομίχλη
έκ’σεν	άκουσε
ελέπω	βλέπω
έν’	είναι
εξέρτς	ξέρεις, γνωρίζεις
έρ’ται	έρχεται
έτονε	ήταν
ευρίουμαι	βρίσκομαι
έφυεν	έφυγε
θωρέα	θωριά, όψη
ιδέα	μορφή, όψη, θωριά
καλλίον	(επίθ.) καλύτερο, (επίρ.) καλύτερα
καμονής	καημού
λαλίαν	λαλιά, φωνή
μέσεν	μέση
όθεν	όπου, οπουδήποτε, σε όποιον
ομματόπα	ματάκια
παίρ’	παίρνω/ει
ποράνι͜α	μπόρες, καταιγίδες	boran<βενετ. bora<λατ. Boreas <Βορέας (αντιδάνειο)
ραχ̌ίν	βουνό, ράχη
ρούζ’	πέφτει, ρίχνει, μτφ. αναλογεί
σ̌εκέρ’	ζάχαρη, γλυκό/ά	şeker < şakar (περσ.) < śakkharā (οψ. σανσκ.) < śárkarā (σανσκριτ.)
τέρτ’	καημός, βάσανο, (ονομ.) στενοχώρια	dert
τσ̌οτίν	σκληρό, δύσκολο	çetin