Πουλί μ’, τα σπαρελόπα σ’

Προβολή Τραγουδιού

Καλλιτέχνες: Αχιλλέας Βασιλειάδης, Κώστας Σιαμίδης

Πουλί μ’, τα σπαρελόπα σου,
αρνί μ’, όντες ελύαν
τα καταρράχτες τ’ ουρανού
εθάρρεσα ενοίαν

Μικρός έμ’νε κι ετράνυνα,
άλλο ’κι μεγαλύνω
Πόσα σπαρέλια έλυσα
κι ακόμα ντο θα λύνω;

Τα τραγωδίας τα καλά
’κι λέει ατά μασ̌ίνα
Έρχουμαι τα μεσάνυχτα,
το σπαλέρ’ σ’ ποίσον σ̌ίνα

Ατό το κουτνίν το σπαλέρ’
γουρπάν’ όθεν κι αν κείται
Ογδόντα χρόνων γέροντα
ευτάει ατόν και νείται

Γλωσσάρι

Κείμενο	Επεξήγηση	Ετυμ. Ρίζα
ατά	αυτά
γουρπάν’	θυσία	kurban/ḳurbān
εθάρρεσα	θεώρησα, πίστεψα
ελύαν	λύθηκαν, έλιωσαν
έμ’νε	ήμουν
ενοίαν	(αμετάβ.) άνοιξαν
έρχουμαι	έρχομαι
ετράνυνα	μεγάλωσα, ανέθρεψα	τρανόω-ῶ
ευτάει	κάνει, φτιάχνει	εὐθειάζω
κείται	κείτεται, ξαπλώνει
’κι	δεν	οὐκί<οὐχί
κουτνίν	ύφασμα βαμβακομέταξο ριγωτό εύχρηστο στα γυναικεία φορέματα
μασ̌ίνα	γενικά η μηχανή/το μηχάνημα, αυτοκίνητο ή τρένο ή τρακτέρ	машина/μηχανή
μεγαλύνω	μεγαλώνω
νείται	ανανεώνεται, ξανανιώνει
όθεν	όπου, οπουδήποτε, σε όποιον
όντες	όταν
ποίσον	(προστ.) κάνε, φτιάξε	ποιέω, ποιῶ
σ̌ίνα	θηλιά
σπαλέρ’	μέρος γυναικείας ενδυμασίας αυτοτελές που χρησιμεύει ως κάλυμμα του στήθους
σπαρέλια	μέρος γυναικείας ενδυμασίας αυτοτελές που χρησιμεύει ως κάλυμμα του στήθους	spalliera
σπαρελόπα	μέρος γυναικείας ενδυμασίας αυτοτελές που χρησιμεύει ως κάλυμμα του στήθους	spalliera
τραγωδίας	τραγούδια